是日病假休息一天
斷斷續續瞓吓醒吓起身食藥後又繼續瞓
瞓到兩點幾起身感覺好好多
覺得肚餓便落街食個 tea
順便拎埋旅行後嘅衣服去洗
之後返到屋企開始執拾打掃
夜晚再出街食個晚飯
Hea 吓 hea 吓又過一天
Sick Leave
射波預告
今天一起身喉嚨更加嚴重
多鼻涕又勁咳
返到公司坐喺度都暈暈地
好艱難先捱到收工
即係去睇醫生
仲拎埋聽日嘅病假紙添
睇吓聽朝起身有冇好啲啦
如果頂唔順都要大腳抽射喇
眼火爆？
今天初四咁嘅樣在正月十一開工
放完兩星期大假後返工的樂趣
真的盡在不言中
但幸運地琴晚瞓得好安祥
今天一覺醒來沒有感到時差不適
但香港的空氣極度差
果邊凍到飛起都冇事
今日一起身就感覺喉嚨唔多妥
我諗香港真係唔適合我居住⋯⋯
夜晚屋企發生了一點意外
話說煮煮吓飯有人走入廚房
撳住隻左眼話整親
起初以為眼啜毛入眼
但一睇見到隻眼出血
當堂呆咗
即刻熄火帶隻論盡豬去睇醫生
但平時睇開果幾間都派哂籌冇得睇
最後搵到去油麗商場死角位先有得睇
仲要醫生八點半閂門
我哋八點廿七分先埋舟
好彩睇完醫生話冇大礙
只係傷咗眼白表皮
過一星期如果冇再腫就冇事
不過真係唔知就嚇死知就笑死
隻論盡豬除穩形眼睛時篤親隻眼
咁都可以整傷自己⋯⋯
可想而知平時有幾論盡??♂️
英倫之旅第十四天
今天基本上都係屈喺隻飛機入面吽咗大半天
琴晚倫敦時間晚上十點起飛
食咗兩餐瞓咗幾粒鐘睇咗兩套戲
到香港時間六點返到
全程呆坐十二小時真係呆呆地
落機攞齊行李便打的返歸
兩星期的英倫之旅正式落幕
明天又要回復忙碌生活
上班搵錢準備下次旅程了