Ghöz | SnGhome.UK
嚟到今次旅程最後一天了
早上 check out 後行一會 Hyde Park
然後去 Victoria and Albert Museum 行吓
再食個 brunch 之後便過去 Harrods
心水選擇睇唔啱所以都係空手而回
不過都買咗幾罐餅做手信
跟住搭車去 Covent Garden
今日週末所以都幾多人
而且都幾多街頭表演幾多嘢睇
再行吓 Apple Market 就有點收獲
有人買到隻木製錶殼嘅手錶
價錢都唔貴而且幾特別
行完 Apple Market 後
便去 The Rock & Sole Plaice 食個 fish and chips
嚟咗倫敦食第三次
今次係最好味嘅一次
不過都係冇西貢果間咁好味
食飽後便開始回歸旅途了
首先搭車回酒店拎行李
然後行去火車站搭火車去機場
攪埋退稅後便寄行李
過埋安檢過海關便入禁區
一切準備就緒但仲有大把時間
最後衝刺洗埋啲大餅後
便上機踏上回歸旅途了
蘇格蘭之旅嚟到最後一日
起身執好包袱便起程回愛丁堡
不過不甘平淡的我們途中梗會有節目啦
我們首先去多間酒莊參觀
呢間酒莊比琴日的更加好
有免費 tour 仲有得免費試飲幾隻威士忌
仲要每人都送一隻威士忌酒杯
買酒仲有優惠價添
所以我哋都買咗支限量版威士忌
睇完酒莊後便繼續趕路
路途中在 Perth 食咗個 lunch
這間門口有米芝連推介
食落味道真係好好食
就連不喜歡吃魚的我們也覺得好味
吃飽後又繼續開車去機場
途中入滿油後順利到達還車
我們的 Defender 便任務完成了
雖然架 Defender 外型非常威猛
但今次試駕後感覺都係唔會在香港揸這款車
因為真係太大舊而且棍波車好麻煩
所以今次享受過她的樂趣已經心滿意足了
我們去到愛丁堡機場後便開始寄行李作業
由於我們搭廉航所以行李重量有點麻煩
之前執行李都已經左砌右砌
去到機場又要出絕招但係都未能順利通過
最後都好彩埋到櫃臺四隻喼都可以上機
過完一關又要過安檢這關
今次有經驗後冇上次咁呢hea
但排我前面條友勁麻煩
隻住對 ski boots 上機過安檢當然要除鞋啦
等佢除哂身上所有嘢真係等咗十分鐘以上
真係等到火都嚟
不過安檢我就冇大問題順利又過一關
過完安檢後在免稅商店購物
女士們買護膚品男士們睇威士忌各有喜好
最後女皇又有收穫
佢話比香港買平一半價錢
所以都真係幾抵
買完嘢便跑去登機
最後一關都冇乜問題順利上到機
一小時左右機程便回到倫敦
拎齊行李再坐一小時巴士回到 Paddington
到酒店 check in 安頓好後
便出街吃晚飯
今次旅程最後的晚餐我們再次去食 ham
這間賣火腿的店鋪真係值得回味
店員很有性格但服務很好
食物質素亦都很好
我們飲飽食醉便返酒店
回到去開始執拾行李
返香港我們搭國泰
每人可以寄兩件行李總重量最多30kg
所以問題不大
執好後已經凌晨兩點幾
沖個涼瞓一覺
準備明天便要回香港了
今天行程緊密
一早起床便揸車去 Glenmore Visitor Centre
準備去探 Chopper
我們到達後 VC 還未開門
所以先到餐廳食個早餐
話係早餐其實就食埋午餐嘅份量
飽到反艇後便返去 VC 報名
但唔知係咩原因
今天個 tour 改咗十一點先開始
我們商量後都係決定join個tour
中間有兩粒鐘
我們先回住所辦點事
途中經過一個應該係 Camp Site 嘅地方
我們停下來在湖邊玩了一會
有人表演了鐵頭功破冰
又測試了對水鞋嘅防水能力有多強
玩完又開車回去又回來
到達集合地點等了一會便開始講解馴鹿的生活習慣
然後步行上山
途中風景都幾靚又帶一點崎嶇
很快便去到一個類似牧場的地方
哪裡有一大群馴鹿
但好明顯這群鹿都是有人養的
牠們看見人會主動走過來等餵食
雖然如此但近距離見到馴鹿
又可以餵牠們食嘢又可以摸摸牠
都幾開心舒暢的
我們大約逗留了個多小時便下山
繼續今天餘下的路程
揸了大半小時車程後到達了第一間酒莊 Glenfarclas Distillery
但去到時已經接近三點
最後一場參觀酒莊 tour 都已經開始了
不過負責人也好好人
請我們品嚐了一點威士忌
我們又參觀了酒廊一點點陳列品
之後我們繼續去另一間酒莊 Cardhu
這間酒莊是 Johnnie Walker 旗下其中一間酒莊
而這間酒莊比較少氣試酒每杯計
雖然係咁但我們都買咗支限量版威士忌
離開這間酒莊後
我們都嘗試去其他附近酒莊
但為時已晚都閂門了
於是我們便起程回家
但途中又路過一所古老教堂而且旁邊有座舊式石橋
我們當然唔會放過美景
泊好架車影吓相
玩吓玩吓便日落西山
我們開車回去了
回到小鎮我們去了超市買晚餐
返到去便弄好晚餐開飯
吃飽後又飲吓酒看冬奧
一邊又要執吓行李準備歸途
雖然行程尚餘兩天
但兩天都是要準備上飛機
安排的行程不多了
旅程尾聲心情有點忐忑
有一點想回家但又想繼續吃喝玩樂
真的有點茅盾
今天酒店有包早餐
起身輪候廁所梳洗後便落去餐廳
早餐都係果啲煎蛋香腸麵包
食飽返上房執齊行李便退房開車上路
我們第一站是去 Glenfinnan
這裡是 Harry Potter 其中一個拍攝場景
是熱愛那套電影的粉絲必到地方
除此之外這裡還是行山好地方
遊玩完後便繼續行程
原本是book了一點半玩冰壺
但去到又有點意外
叫我哋五點再返去
咁唯有去食個 lunch
然後去了遊蕩吓尼斯湖搵吓條水怪啦
玩到夠鐘又返去個冰壺場館
等了一陣以為今次又無緣玩冰壺
好彩等咗陣都有人照呼我哋
各人準備好便踏進冰壺場
開始學我們期待已久嘅冰壺了
睇電視以為好容易
但實際上都雖要少少體力都技術的
最主要係平行
我們各人練習了一會都掌握到
但當然比睇冬奧嘅運動員爭好遠啦
教練講解後我們便自得其樂
玩了大半小時後便要交場依依不捨地離開了
今晚我們會住喺 Aviemore
一間獨立屋有埋廚房
所以我們先去購買糧食準備好今晚晚餐
然後便起程去 Cairngorms National Park 果邊
車程大約個半小時
途中行走高速公路但晚上冇街燈
漆黑一片都幾恐怖
幸好沿途都有其他車同道
所以都安全抵達目的地
但我們到達時都差不多九點
而個登記處已經關門冇人
於是又找了很久才取得鎖匙
再去搵我們的獨立屋又搵咗好耐先找到
好彩最終都順利入住今晚的房子
安頓後便吃晚餐
隨行總廚好快煮好晚餐
吃飽再睇吓冬奧飲吓威士忌
飲到醉昏昏便各自就寢了