Ghöz | SnGhome.UK
每晚飲完酒特別好瞓
一覺瞓天光便又準備去玩了
執好行李check out離開
先到附近一個shopping mall食早餐
之後揸住架Defender遊車河去到Queen Elizabeth Forest Park
去到其實冇乜特別
都係一處郊外地方
有條河有排樹比人行山嘅地方
不過就有得比人宿營
河邊木屋都幾有風味
但冬天就好凍冇咩可以玩
我哋逗留一會便繼續行程
途經Crianlarich揸揸水
在 Bridge of Orchy 拍拍照
又停喺 Altnafeadh 公路旁pic個nic
黃昏前到達今晚住宿地 Fort William
check in 攞房分配好床位後
便出街逛逛搵酒吧睇波
今晚我們選了一間河邊餐廳食海鮮
生蠔、青口、魚、帶子再襯支白酒非常美味豐富
吃飽後便走過去Pub飲啤酒睇車仔對巴塞
最終打和一比一
飲飽食醉便返歸輪候洗澡然後瞓覺
來了英國一星期了
今天展開蘇格蘭揸車旅程
起身有廚師煮了一份英式 all day breakfast
食飽執好行李便 check out
租車公司剛好將我們的 Defender 駛到
檢查好辦好手續後
便開始駕駛心儀已久的 dream car 暢遊蘇格蘭
生疏好耐冇揸棍波車
起初都開得郁架車
但一到斜路開車便大檸樂
未摸熟極力子又未習慣棍波又未知支手掣要放到咁低
在紅綠燈前死了兩次火
後面架巴士好彩又好斯文冇乜大動作
只是再後面聽到點零聲響安
失敗咗幾次終於就夾硬大腳油
疾吓疾吓打住冷震咁向前un過咗盞燈
之後都冇乜大問題駛到去目的地停車
遊覽吓愛丁堡舊區同埋 Holyrood Park
之後便長驅直進去今晚嘅古堡酒店 Airth Castle
到達時未有房可以 check in
於是我們便揸車出去超市買點補給品
然後想搵間 coffee shop 竭吓
但蘇格蘭好多店鋪都好早打烊
於是我們鎖定一個公園做picnic目標
之後決定去買嘢picnic
很快哋我們又打爆咗架Defender
買齊飲料食物便開車去公園
鋪好大口仔放好食物便開餐
每次旅行都會pic個nic真高興
食飽玩夠之後便回酒店check in攞房
安頓之後便換衫去泳池游水嬉戲
玩吓個按摩池又濕蒸乾蒸
這家古堡酒店好抵
每人十英磅住一晚包埋個泳池設施
但要求一定要到餐廳叫一個full set dinner
同每一房間開一支酒
我們兩間房所以今晚每人一份晚餐
再開了一支紅酒一支白酒
房租再加晚餐夾埋都幾抵
我們吃飽後再品嚐威士忌
酒後入睡又一天
今日起身執齊行李
便離開這間極差旅館
一行四人拖住行李行去搭巴士
一小時車程後到達 London Luton airport
到達後開始麻煩的廉航行李寄倉手續
磅完三隻喼後第四隻喼出問題
手忙腳亂地抽起1kg物品
好彩都過到關寄埋最後一隻喼
寄倉行李攪掂後便去闖安檢果關喇
不太順利要除好多嘢但最後都通過安檢
跟住便等上機出發
一個鐘機程左右便到達愛丁堡機場
拎齊行李後便搭架 Tram 出市區
去到酒店安頓下來後
便馬不停蹄出去遊覽愛丁堡
感覺蘇格蘭比倫敦還要樸素
啲建築物都係好古老好舊式
逛逛酒鋪看看蘇格蘭威士忌
看看蘇格蘭出產的 cashmere
再行上古堡門口拍吓照
遊覽完後便搵了間餐廳晚餐
品嚐蘇格蘭威士忌
今晚有小插曲
話說我們點了兩份西冷牛扒要五成熟
但上枱切開後唔好話血水都冇滴
直頭係全熟
於是叫侍應來看看退換
她一看也發覺唔對路
便再換過兩份給我們
今次來的兩份便正常喇
吃飽後我們去了買支威士忌
再到超市買零食
然後回酒店梳洗休息一吓
晚上聚在一起看看冬奧
喝喝威士忌享受了蘇格蘭的第一晚
今天都係瞓到自然八點幾醒咗
起身梳洗吓又出發去玩了
我們搭巴士去 Notting Hill 行街
這裡有點似鴨寮街
好多賣古玩嘅路邊檔
週圍行行逛逛後便去食個 fish n chips
食飽後便去 Abbey Road 朝聖
原本諗住搭倫敦的士
不過想搭的士時冇的士
所以唯有都係搭巴士啦
但想搭巴士時有人 Oyster Card 又唔夠錢
於是又走去搭地鐵
但地鐵唔知乜事成條線封咗冇開
真係搭乜冇乜
咁唯有喺地鐵站增值張 Oyster Card
然後走返去搭巴士
轉了一次巴士坐了大半粒鐘後便到達
我們去到時都不算多人
但就個個都係喺條斑馬線行嚟行去影相十分有趣
我們當然唔執輸去影埋一份啦
玩完條斑馬線後再去Studio門口參觀
跟住就入去間shop看看
shop入面好多Beatles有關嘅產品
但多數都係商業化的商品所以興趣不大
參觀完後便走去地鐵站搭 tube 去 Tate Modern
這個地方應該係現代藝術館
有很多大型盪鞦韆比人玩
館入面亦有很多睇唔明嘅藝術品給人觀賞
我們慢慢行慢慢參禪
最後都係莫名其妙地離去
睇完藝術嘅嘢後我們步行去 Jamie Oliver 師傅果間餐廳
途中經過 Somrest House 及遠眺 London Eye
行吓行吓又比我咃遇到一間賣西班牙火腿嘅商店
門口廚窗上掛滿火腿非常吸睛
於是乎我們又屎忽痕走入去
唔入由自可一入去氛香撲鼻
我哋梗係要坐下慢慢品嚐啦
我們點了一碟西班牙火腿併盤
有三年四年和五年
味道遂層遞增回味無窮
再夾埋一杯紅酒及芝士小食
真係齒頰留香一試難忘
賣醉完又繼續我們本來要到的地方
不過去到後很多人等位
而且我們沒有預早訂枱
等吓等吓最終我們等了一個小時才可入座
我們點了沙律、意粉和意大利飯
珠玉在前食過之前的西班牙火腿
再吃這餐廳的食物時便給被比下去了
吃飽後便搭巴士返歸
回到這家討厭的旅店
懷著戰戰兢兢的心情沖涼
恐防又要沖凍水涼下
好彩都全程熱水完成
之後執行李準備明早飛上蘇格蘭