Ghöz | SnGhome.UK
坐咗十幾個鐘機
倫敦時間六點三降落希斯路機場
入境後攞齊行李便搭車去酒店
去到後又好好彩可以比我哋提早check in
上到房又好驚喜間房超大
安頓好後便開始第一天嘅行程
我們先去Green Park附近食個早餐飲杯咖啡
然後去白金漢宮睇御林軍換班
睇完之後再行去西敏寺
途中經過一個市集物體
好多街邊檔賣熟食
我哋行咗個圈後決定買條羊肉卷做午餐
熱辣辣大件夾抵食
雖然有點麻煩企喺條街凍冰冰咁食
不過就好有掃街嘅風味
食飽後便繼續行去參觀西敏寺
入場費係有點貴
但一場嚟到冇理由唔入去見識吓
好難想像幾百年前係點樣興建咁宏偉嘅建築
啲雕塑手工真係好靚
入面又有好多歷史見証
所以都冇後悔比錢入去參觀
睇完西敏寺順路去埋大笨鐘同國會大樓
但大笨鐘要維修兩年
外層圍了一層屏風淨係見到個鐘有點可惜
到此一遊後便去親戚家作客
見到小朋友可以有咁大個家週圍走真係好開心
嚟到英國第一餐晚餐有住家飯食亦都好有幸福感覺
活動了整整十幾小時
回到酒店沖完涼後很快便入睡了
今天一起身便拿拿聲執行李
執好個喼啲嘢先出街食嘢
食飽後又返去繼續執個相機背囊
不過今日先發現原來mytv有得睇冬奧
一路執行李一路睇電視所以進展緩慢
但好彩我哋今晚凌晨機
所以大把時間
執好包袱後便hea一陣
跟住煮個晚餐食飽又再睇一吓冬奧
到晚上十點便正式出發
Call的士後到去到機場都只是十一點幾
等到十二點九便上機
出發去另一家鄉 – 大英帝國
明天便出發
但好似好多嘢未做
今日要去攞返架車
要去飛髮
要買賀年禮物
要執行李
卒之都係未執行李
要明早快手喇
今晚屋企團年做節
表妹有好消息公佈做媽媽喇
真係替佢哋高興
嚟緊有多一位家族成員了
今日揸咗架車去檢查維修
原來條呔又插咗釘
水撥有組件爛咗
洗大銀幕嘅玻璃水乾塘
一次過整但明天先攪得掂
所以今天冇得揸車了
返到屋企就搬兩個喼出嚟
準備英國之旅嘅行李
跟著整理一吓拍攝工具
清潔吓部 D800 嘅感光原件
清潔完又要測試吓
所以又拎咗兩隻拉打嚟影咗幾張hehe照
呢個組合想玩好耐但一直都冇乜狀態去拍
影完出嚟嘅效果好滿意
玩完後便去食個lunch
再去順豐拎埋啲淘寶件
之後返屋企 hea 一陣
夜晚出去佐敦打邊爐
食飽再去飲嘢
玩到三點幾四點先返歸