慶幸今年我冇受傷
但女皇就跌親幾處部位喇
不過都不算太嚴重
希望早日康復
明年又可以盡情劈啦
滑雪受傷很正常吧！
要上班了
玩咗咁多日
係時候又要努力工作搵錢了
滑雪後的日常
今天好神奇地沒有 jet lag
雖然放假但照常七點起身
同女皇食完早餐再送佢返工
然後去洗車
跟著返歸拎啲衫去磅洗
再喺屋企執返啲攝影器材
過番啲相入 NAS
又突然興起剪咗條跌到一仆一碌嘅片
睇返到覺得痛
但其實都玩咗十日
雖然天氣不似預期
不過都冇辦法控制到天氣
今年雪季就此結束
期望下季會有好天氣可以盡情玩啦
明天又要好好工作
準備下一個旅程了
2019法國滑雪之旅．Day11
基本上最後一日和第一日一樣
都係喺飛機上呆坐十二小時
瞓吓醒吓又食吓睇吓戲
下午五點便回到香港了
拎齊寄倉行李
Call 貨 van 返到屋企
然後落街食晚餐
再返屋企執好啲嘢
今日就係咁便過了
總結今次法國滑雪係有點失望
六日有五日都陽光猛烈
唯一一日搭車去另一個雪場就好啲
每日塊地都係又硬又冰
攪到自己失去信心
不過天氣嘅嘢冇得預算
唯有希望下年會比今年好玩啦