有一個肯陪你睇高達的老婆真幸福
今天仙台行吓朝市
又行吓商場睇咗個高達商店
夠鐘便攞齊行李出返省城
出到東京攞咗酒店房便出去行街 shopping
收穫都幾豐富
夜晚再到築地食個大拖羅海膽魚子蓋飯勁滿足
食飽再返東京駅飲杯啤酒 chill 吓
旅程差唔多到尾聲了
Day10．回到東京
Day9．東北尾聲
銀之莊食完早飯再浸到最後一刻
然後開始最後一日車程
先去松島行吓食吓
跟住去 Outlet shopping
都有對心儀已久嘅行山鞋收穫
買完嘢便出仙台市還車
攞完酒店房便出去排隊食善治郎炭燒牛舌
排咗一粒鐘係值得嘅
牛舌又香又林又好味值得推介
食飽便返酒店休息
準備明天出返東京作最後衝刺
Day8．鳴子峽&銀山溫泉
連續兩天食個和式早飯
聽朝都好大機會一樣
食飽執齊包袱就起程
首先去附近一間珈琲店飲杯珈琲
然後開兩粒鐘車去鳴子峽
離開小安峽時落緊雨
成個環境又唔同睇法靚咗好多
多咗一份煙雨棲迷嘅感覺
好彩到咗鳴子峽時便停雨
個景色又有另一番感覺
比之前去過嘅奧入瀨更多黃黃紅紅
更好彩嘅係啱啱好影到架火車路過條橋
行完鳴子峽便繼續上路
去今次旅程另一個重中之重銀山溫泉
果條溫泉街真係幾靚
加上book咗間靚嘅溫泉旅館
有少少罪惡感花費太多
不過堅係開心嘅
可能之前住宿環境冇咁好
所以今晚酒店房靚到咁真係冇投訴
Day7．悠閑地享受旅程
享受完百年老牌溫泉旅館之後
便開車前往抱返溪谷
又估唔到毛啦啦有個紅葉祭但冇乜紅葉
行個圈睇吓條回顧之淹
然後便繼續上路去角館參觀吓啲舊街舊屋
之後又開兩粒幾鐘車去小安峽
今天時間控制得好好
三點未日落便去到仲可以行吓
睇吓個峽行吓條橋遠眺條瀑布都好開心
最後去到間民宿都有驚喜
乾淨企理之餘個晚餐豐富都爆炸
不停食咗超過個半鐘先勉強食得哂
呢幾日都早睡早起
因為好早天黑夜晚又冇乜節目
唯有喺房飲吓酒早啲瞓