Month: August 2026

一早起程由神戶直奔大阪臨空城
然後用腳行咗七粒鐘
之後去難波酒店 check in
最後去還車
跟著晚飯前行吓街
再去食咗碟串燒
之後再轉場食好味燒
今日總數行咗萬四步有多

旅程開始進入尾聲
今天一早食完早餐就開車去大嗚門橋
參觀個漩渦嗚門
可惜又係冇咩好睇得少少浪湧吓湧吓
睇完諗住去食拉麵
點知又冇開
於是轉場去食海鮮丼
點知又要排到三點半先有得食
最後放棄去咗間地道食堂
食咗個咖哩豬扒飯
食飽繼續行程去咗睇花
冇乜期望反而有驚喜
不過好鬼曬
睇完道起程去神戶落腳酒店
Check in 好後就出街行
然後食個炭火燒肉
價錢同質素都不過不失
食飽就返歸
準備休息明天繼續趕路

今日精神好返好多
只係長途車都係有啲攰
今天一起身就啪個日式早餐
aka一大碗飯加一片魚
食飽就執好嘢開車走
首先去睇個木造建築物
跟著去睇同一建築師設計嘅圖書館
可惜星期二休館⋯⋯
冇得入去睇就唯有又去食嘢
今日晏晝食pizza
即叫即烤幾好味
食飽就遊條UFO Line
聲稱有發現 UFO
但我覺得流流哋
長途跋涉開車幾粒鐘車淨返三格油
玩完就起程去今晚的溫泉旅館
估唔到勝價比今晚贏哂
攞咗房就出去食個晚餐
然後返去浸吓溫泉
今日去咗好多地方但又唔知做過啲乜

今趟旅程都算多災多難
又病又發燒
今日仲落雨落到條中津溪谷都去唔到
原先book咗個standup paddle
都因天氣關係被取消
乜都冇得玩
唯有食食食
食完lunch即刻又走去食個tea
食完就攞房焗Sauna
今晚落腳地方有啲似大棠
不過就高級少少
夜晚仲有BBQ
食飽沖個涼就無所事事了