Ghöz | SnGhome.UK
瞓到十點幾又起身
一行人又出街搵食
去太興食個 brunch
之後又返屋企坐一陣諗吓有乜節目
最後決定去南灣 BBQ
我哋首先去康怡 AEON 買料
淨係買嘢左揀右揀都玩咗成粒鐘
然後便開車入南灣
去到好好彩有兩個車位
泊好車落去又咁啱有個爐
擺好位就開工燒野食
今次都好豐富（都冇乜邊次唔豐富）
有托托蜆、鑽石蜆、和牛同埋元貝
再配個飛驒牛肉醬
真係冇得頂
今次份量唔多但係又剛剛好
食完都只係七點幾
返到屋企先八點
執返好間屋反而係最花時間
好在聽日星期日可以休息吓
星期五晚
屋企又被宿一宵
收工後先去 chill 吓飲杯啤酒食個晚餐
跟住去唱個K
玩到三點先走
之後一班蝦肶人就嚟沖涼瞓覺喇
自從轉用了 WordPress 後
寫 blog 確實係方便好多
但一直未開發 Photo Album 方面
之前都係 upload 上 FB 再轉貼入自己個 website
雖然方便但始終覺得擺喺自己度會穩陣啲
所以旅行後一直搵緊 Photo Album 嘅 plug-in
試咗兩個免費版
一個介面靚啲但冇得分頁
如果一次過load成個旅行相簿一定衰硬
所以揀咗第二個介面冇咁靚但係方便使用
Upload 相入 folder 可以自己另外開 folder 分類
試咗之前台灣個 album 都幾好冇乜問題
現在一路執緊今次立山嘅相
一路上緊去自己個site
感覺都幾靚仔幾好用
而且免費版已經有齊我要嘅嘢
如無意外應該都會用呢個 plug-in 投入服務喇
一如既往
旅行後嘅主要工作就係執相
今次兩個人兩隻iPhone一部單反加兩支ActionCam
其中一支ActionCam主要都係 timelapse 做車 cam
所以執相比較簡單
主要都係執部D800嘅相
今晚都執好第五日
即係都攪掂一半喇
但現在仍然諗緊放上FB定係淨係放上自己個site好呢