今年踏入十二週年
去了銅鑼灣晚餐慶祝
簡簡單單已經很滿足
吃完晚飯便去了揀生日禮物
今年大個仔有得自己揀禮物?
但中途很攪笑
無啦啦有人話’你咪係細龜個朋友’
原來他是朋友的朋友
看了我們 Facebook 的旅行照片認出我們
但我和他是不認識的
睇嚟我們已經黃咗喇！
拾貳週年
教皇．G 戰機．入手
今日女皇約咗人唔返屋企食飯
所以今晚唔洗煮飯休息一天
收工去了旺角搜購玩具
今次目標明確定好價錢指標
發現目標抵過指標便入手
行完隔好價好快便完成收購
不過近排入手嘅玩具都要忍而不拆
因為要等新地方入伙後一次過搬過去
到時有個私人空間可以展現珍藏喇
黑膠唱盤選擇
今天上網爬吓文
睇吓有邊隻唱盤比較啱心水
最好係可以即買即玩
又可以有少少空間可以upgrade
最好有埋phono放大器唔洗另外加
睇埋網上好多評論
得出結論係有兩部選擇
一部係audio-technica嘅AT-LP120
另一部係TEAC嘅TN-300
兩部都係功能齊全即買即用
價錢都係差不多
唯一係揀個款
要諗諗邊部襯啲屋企
外甥生日會
琴晚飲醉酒
今天起身後都頭重重
但約好個妹今天下午去觀塘影相
所以頭痛都要起身刷牙洗臉
然後落街飲個茶
便搭地鐵去觀塘
上到影樓已經齊人
一氣呵成影粒半鐘
影完便散水去飲杯咖啡
再行一陣便又去阿妹屋企開生日會
慶祝個外甥兩歲生日
飲飲食食切蛋糕
睇見小朋友快高長大真高興
希望以後都開開心心快樂成長啦