Ghöz | SnGhome.UK
今日特登要留喺屋企做嘢為咗等個師傅嚟鑽幾個窿
點知等咗成日人影都冇個
卒之到我收工都未嚟就打比佢問咩事啦
原來佢話今日忙得滯冇時間過嚟要聽日先嚟到
聽完真係火都嚟
一早叫佢星期三一次過一齊做又話唔好
依家又話聽日先做
一早講我就唔洗喺度等佢成日啦
點知講好聽朝嚟整轉個頭又打比我話要依家上嚟做
屌！依家玩咩⋯⋯
差不多六點嚟到
拿拿淋比佢鑽好幾個窿之後
我又要清潔做餐懵嘅
掃乾淨啲灰塵跟手拖埋個地
執乾淨個廁所再沖個涼
然後便出街約咗個死佬唱K
呢幾日屈埋屈埋真係要發洩吓
玩到成點先返屋企
明天又再繼續個大檸樂工程
希望真係可以如期完成啦
今天正式開始大檸樂工程
一早起身便搬好張梳化
執拾好窗邊雜物
搭棚師傅十點到場開工
沙塵滾滾睇見都煩
見佢用兩口拉爆上一對狗臂
跟住就喺上面排幾支竹
扎好就攪掂個地台
然後上面又鑽口拉爆
用條鐵線拉實支竹
再扎埋個圍欄
看似好簡單但見佢汗水係咁流
都知係辛苦錢搵命搏
所以見佢整花個地台都冇出聲
免得佢心情唔好整花多幾處咁就仲麻煩
十點開工整到四點就攪掂哂
中間只係放飯一小時
用五粒鐘便搭好個棚
而損毀輕微都算好彩了
嚟緊聽日鑽外牆窿
星期三或四攪埋條煤氣喉
星期五拆棚便完成
希望順順利利啦
今天在家中執拾雜物
收好不動產去床下底
騰出空間準備迎接維修工程
晚上再去新都城補給物資及晚飯
過埋這兩晚
下星期便有排忙了……
今日師傅上嚟睇完位
夜晚林生打嚟報價
平咗成八千所以即刻拍板去馬
下星期一搭棚
然後星期三整煤氣喉
希望沙塵滾滾後便天下太平啦