今日正日冬至
但氣溫和暖
起身食個麵後
便去了 APM 行街買聖誕禮物
行了幾個鐘
晚上回娘家吃晚餐做冬至
吃飽再出去佐敦飲嘢
玩到兩點幾先返到屋企沖涼瞓覺
溫暖的冬至
第六課 + 冬至晚飯
今年最後的補假
一早起身送夫人上班後
便去了做早操
不過去到球場見到封咗維修
於是要走到老遠的另一個球場跑
一開波就已經有少許抽筋
Hea跑捱夠十個圈便放棄了
無謂勉強受傷丫嘛?
今晚做冬
一家人又坐埋一圍食餐飯
同時又送聖誕禮物比小朋友
送嘅開心收嘅高興
聖誕快樂 Merry Xmas
回想從前
今日老豆 whatsapp 問我點樣 format 隻手指
我好自然地搵咗條 YouTube 片比佢睇
心諗睇住條片照做應該冇問題啦
但原來可以跟住做都會唔識做
諗返細個果時
做功課有唔識就會比人鬧
話咁簡單都唔識咁蠢
到今時今日
童年陰影加心靈創傷揮之不去
經歷過被欺凌
所以我唔會睇少其他人
反而會諗辦法幫助弱勢社群
我唔知從前不愉快經歷係好事定係壞事
但可以肯定已經影響咗我嘅性格
所以話呢
喺細路仔面前係唔可以亂講說話的
細路係一定會吸收所有經歷過嘅事情
凡事慎言為妙
人手短缺問題
呢幾日都幾忙吓
因為有隻 VCenter 呱柴咗幾日
相關部門攪咗幾日都未整好
所以日日都比人問幾時攪得掂
其實呢家嘅狀況都幾大問題
明知人手不足但又唔請人
啲嘢積埋積埋又冇人做
應該遲早會爆鑊金嘅
但六合彩又未輪到我中
唯有得個且個
做得一日得一日啦