今天飲咗個茶
睇咗場戲
打咗個邊爐
睇咗三場波
凌晨四點沖涼瞓覺
但沖沖吓暖水變凍水
成個人醒哂⋯⋯
週末
頭赤赤
今日出門口已經覺得暈暈地
應該係感冒開始滲出嚟
不過又唔係發哂出嚟果隻
搏頭重重週身骨痛咁
睇嚟要早啲瞓休息多啲喇
千里長征
執相執到第四日
呢張相幾鍾意
夠哂色彩鮮豔
不過諗返今次旅行都幾趕吓
每日行程唔多但路途遙遠
差不多日日都開三四小時車
全程總數行咗千四公里
雖然辛苦但也很開心
希望年年都可以繼續有一兩次旅行啦
第四課
今日好懶好唔想操呢一課
但都強迫自己去跑咗兩公里
好彩冇落雨但地下好多積水
加上呢幾日好似都未完全恢復狀態
所以跑得好辛苦
但相信辛苦過後會換嚟成果嘅??