終於成功爭取紅日假期可以真正放假
今日起身後便去了西貢食個早餐
再去 Moni Stand 嘆杯珈琲
跟著便返歸 hea 咗一天
放假感覺真好
不用返工的重陽節
二手新裝備
今天終於收到件等咗好耐想買好耐嘅 G-Dock
全新嘅話要連埋兩隻2.5吋硬碟賣幾千蚊
講真我係想用SSD而不是普通硬碟
而且價錢真係唔吸引
所以一直都冇意欲增設裝備
但我們偉大的淘寶真係有千百樣可能
竟然有淨機殼賣幾舊水
於是乎敗咗隻返嚟玩吓
選擇這隻 G-Dock 嘅原因係一來淘寶價錢經濟
二嚟係用 Thunderbolt
因為我用緊果隻 iMac 只支援 Thunderbolt 2
但最新嘅型號已經轉哂行usb type-C嘅Thunderbolt3
雖然最新款嘅速度好勁
但我能力財力都有限
所以都只係揀咗隻射程範圍內
而又唔太失禮嘅產品玩吓
收貨後即刻插入之前電腦展買落
準備好今天合體用嘅 SSD
安裝好後測試一吓速度果然喜出望外
寫入速度超過 400 MB/s
讀取速度更誇張超過 600 MB/s
煲佢兩日如無意外便可正式投入服務了
今天另一單觸目新聞係港鐵又壞
仲要係四條線一齊出事
攪到遲咗九個字先返到公司
今次真係大大鑊
但我估到最後又係當乜事都冇又過骨
真係吹佢唔漲囉
書枱改造完成
之前以為星期六送到
點知等吓一日等吓又一日
卒之等到今晚終於送到
原來套軌已經安裝好成兩個月
拖咗咁耐今晚終於大功告成
完成了其中一個小工程喇
光纖寬頻
用咗十年嘅香港寬頻終於都要同佢準備分手了
本來都用得好哋哋冇諗住轉
但佢續約要加我價
所以谷鬼氣轉台
人哋同樣速度只收我$88一個月
佢咁膽死收我$158
試問有邊個咁蠢會同佢續約丫⋯⋯
雖然今日安裝完試過啲速度不似預期
但為咗啖氣都要說再見了