今日好似做過好多嘢
但又好似冇乜嘢做過
一早車咗岳父岳母去飲茶
飲完茶返屋企洗衫晾衫吸塵拖地
然後睇咗套卡通片
再去洗車
夜晚諗住去 mikiki 食飯
但冇位排隊泊車
於是便轉去了新都城
行一陣再食個飯
再去超市入貨
買咗大量檸檬茶及汽水塞滿個雪櫃
咁又放了兩天假期
聽日又要繼續機械式工作了
週日日常
水喉佬
今日又做水喉佬
更換馬桶組件同埋咸水喉管
前兩日發現漏水
等咗兩日襯今日放假便緊急維修
攪咗半天整完都好彩攪得掂
希望今次係最後一次麻煩事啦
攪掂個廁所工程後便去睇場戲
個故事係幾有趣但成套戲嘅節奏又悶又慢
睇完戲去德福食個晚飯
然後返屋睇曹星如
睇見佢打到額頭都腫晒
真係睇見到痛
但最後都憑點數加點運氣
成功廿二連勝
睇見香港人有咁嘅成績都好興奮
圓光光．星期五
據聞中秋個月都冇今晚咁圓
睇落又好似真係今晚圓啲喎
今晚收工後去了銅鑼灣行吓
再食個晚餐先返歸
多災多難
早前發現廁所無緣無故地下有灘水
搵極都揾唔到原因出於何處
還擔心係浴缸底啲喉管有問題
今天又再發現同一位置又有灘水
今次終於搵到源頭來自馬桶水箱入水位
一滴一滴係咁漏
計埋呢單今年都真係問題多多
不過不幸中之大幸係今次都算係小問題
同埋之前果啲大問題都可以用錢解決
只是苛包赤赤痛啫