大佬今個星期放大假
已經打少個嘅情況下再少一個
仲要感冒纏身
咁嘅逆境真係唔易頂⋯⋯
今日仲要考個阿里云
咁啱又有個 change schedule 喺同一時間
成 team 得番兩條友都要入去考試
好明顯人手緊迫但又請唔到人
再咁落去點算⋯⋯
病都要頂
終於完成個立山相簿
今次都算快手了
十日便執好相放埋入去個 site
選用 Photo Gallery 都算係唔錯嘅決定
初時未熟習有點陌生
但用落便發覺就算係免費版都已經夠哂用
雖然個介費係最舊款果啲
不過主要內容都係睇旅行嘅照片
用作記錄吓等日後可以慢慢回味
休息星期天
今天星期日假期
家務琴日已經做好
可以真正休息一天喇
十點幾起身後便執吓旅行相
然後落樓買嘢過隔離屋今個 lunch
之後返屋企整吓個錶盒
壞咗幾年一路都想整但又冇乜動力
今次去完日本買到隻上鏈錶唔夠位
所以好大推動力要整返好佢
之前都試過想拆開佢研究吓點整
但最後一步無從入手
卒之問吓個玩錶朋友教我用力揭開佢
粗暴啲果然得咗
終於知道點樣將佢解體
跟著便要訂零件更換喇
玩完個錶盒便去睇場戲
一般大路娛樂片
唯一算是驚喜係超人復活
但是預期之內
閃電俠角色都幾搶眼
但能力有限變咗卒仔跑腿
其他角色中規中矩冇乜特別
整體嚟講可以一看打發時間
睇完戲再行一陣又出事
終於遇到合乎要求果對鞋喇
高筒跣水面有拉鍊可以反落嚟仲要
內裡係最鍾意嘅反光效果
價錢完全係射程之內
試完啱 size 就即 paid
估唔到呢家我哋 shopping 咁易買到嘢 ?
買完鞋便去洗車
之後再去德福食個飯
然後便返歸 lu
即興南灣燒
瞓到十點幾又起身
一行人又出街搵食
去太興食個 brunch
之後又返屋企坐一陣諗吓有乜節目
最後決定去南灣 BBQ
我哋首先去康怡 AEON 買料
淨係買嘢左揀右揀都玩咗成粒鐘
然後便開車入南灣
去到好好彩有兩個車位
泊好車落去又咁啱有個爐
擺好位就開工燒野食
今次都好豐富（都冇乜邊次唔豐富）
有托托蜆、鑽石蜆、和牛同埋元貝
再配個飛驒牛肉醬
真係冇得頂
今次份量唔多但係又剛剛好
食完都只係七點幾
返到屋企先八點
執返好間屋反而係最花時間
好在聽日星期日可以休息吓