今天收工後安排好修理煤氣喉事宜
然後便去飲返杯
輕輕鬆鬆渡過一個 happy Friday
準備迎接下星期的特備節目
輕輕鬆鬆星期五
打個五五折
今日師傅上嚟睇完位
夜晚林生打嚟報價
平咗成八千所以即刻拍板去馬
下星期一搭棚
然後星期三整煤氣喉
希望沙塵滾滾後便天下太平啦
終於埋尾
拖咗成個幾月
原定計劃牛一前可以完成
但中間又因爲貪玩同埋懶
所以一拖再拖硬係差一點點交唔到貨
卒之都係要特登請一日假
去迫自己完成埋啲手尾
今天一起身便貼好中間果條
完成所有換皮工程
然後便開始轉移啲玩具入去個地台暗格
又搬又擺出出入入終於將所有玩具收藏好哂
跟住夠鐘放飯食個下午茶餐
食飽再返去繼續開工
整好埋個電插掣就大功告成
開始將大本營搬遷去新位置
又搬搬抬抬上上落落
Set 好哂個架步但硬係好似唔多就手
可能真係大屋搬細屋嘅關係
希望坐熟咗後感覺會好啲啦
無啦啦又要跌錢
今日要 work from home
等煤氣公司派人上嚟度位報價
等到三點幾有人嚟到
個師傅揸住把呎度吓呎吓
喺隻窗望吓望吓
跟住用個平板篤吓篤吓
計完比我一睇眼都凸埋
淨係搭棚費都成一萬二千五
維修（新鋪）煤氣喉就要差唔多七千
夾埋接近兩皮真係好貴⋯⋯
但唔整又唔得⋯⋯
現在等緊林生上嚟報價睇吓比佢整可以慳幾多
如果都係貴的話可能要諗諗轉用電熱水爐
近排都好黑仔
整完一樣又一樣
希望惡夢快啲過去啦