今晚收工返到屋企
摷返兩塊麻石地板出嚟
好彩之前整屋剩餘的幾塊厚料完整沒有棄掉
現在所餘只有五塊
用了兩塊墊喇叭
都算冇白費空間儲存咁多年
呢家兩邊喇叭都墊了石板
聽落聲音實淨咗冇咁散
距離目標高音甜中音準低音勁
又踏前咗一小步了
音質改善工程2
音質改善工程
初初買部合併膽機返嚟都冇乜要求
求其駁好有歌聽就收貨
但自從有部黑膠唱盤後就屎忽痕
開始稍稍有點要求
想有少少膽味
想用有限資源提升現有設備到極限
盡量達到高音甜中音準低音勁嘅水平
第一步係攪攪對喇叭
網上爬文後試試加塊麻石墊底
又的確係有改善喎！
親戚從遠方來
今晚收工後去了尖沙咀
行了一陣 hmv
跟著便去北京老家和親戚吃晚飯
親戚一家從瑞士遠道而來
傾吓講吓食吓
食飽再去食埋個甜品
最後十點幾先散水返屋企
又係緊急召喚
今朝瞓瞓吓電話響
老豆打嚟問我係咪喺香港
事源係佢上咗大陸但老家冇閂窗
其實冇閂窗都唔係咩大件事
但原來在我睡眠時不知不覺已經掛了八號風球?
所以就係咁假期都要晨早起身緊急出動⋯⋯
一來一回後去買嘢上外家食
然後返屋企 hea 吓
到三點半落返三號波便出去游個下水禮
游咗十個塘便走人
去駱駝漆大廈行行食食
無意中發現間賣高級食材店
睇落價錢同級數都好似好吸引
下次去 BBQ 真係要試一試
行完買完收穫滿滿後再行去 APM 食晚餐
食飽再去辻利食個甜品
然後便歸家去
完結豐盛的週日