又過了個週未假期
又要回歸戰線
果壇嘢仍然未完結
不過已經冇上星期咁誇張了
希望快啲攪掂哂啦
今日有新人返工喇
但食飯傾過吓
佢之前唔係做開專門的Storage工種
感覺佢好似唔會做得耐咁
希望係我錯覺啦
又要返工喇
要節制吓喇
今日起身後便去西貢食個 brunch
然後去 Moni Stand 飲杯珈琲
原本諗住再去游水
但又發生了一點事情
所以又返咗屋企
夜晚再去德福食個飯
再去 HMV 睇碟
點知 HMV 又做緊特價八折
咁啱又搵到目標獵物
於是又出血買了兩套大碟返屋企慢慢煲
由上星期買了唱盤開始
都未夠兩個禮拜
藏碟量已經去到十七隻
睇見都開心
隻隻都係心愛的珍藏
不過咁買法都唔對路
原先都係諗住一個月每人可以買一套
但一見到唱片鋪見到心頭好真係好難忍
又驚遲咗比人買咗
又驚下次搵唔返
不過真係要忍吓手
真係要一個月先好行一次唱片鋪喇
一拖再拖
今天週末
其實想整埋個地台
但又要晾衫阻住咗
所以又偷懶冇攪到
但咁樣一拖再拖都唔係路
可能真係要請日假嚟埋尾先掂
發現藏寶地
今個星期工作量等於一個月的份量
真係飽哂
今晚做到差不多七點先走人
收工後去咗旺角睇唱片同晚飯
去到信和已經七點九
上到去都打烊了⋯⋯
再去荷李活中心但原來已經執笠了⋯⋯
空手而回很失望唯有去食晚飯
但個旺角真係好擠擁
簡直可以形容為吋步難行十分討厭
幾經艱難行到去雅蘭
揀了間冇咁多人的台灣嘢
等了一陣便有位
食飽後行了一陣後
再死心不息去女人街搵間舊唱片鋪
入到去見到有大量黑膠真係眼前一亮
依家要喺香港搵黑膠碟真係有點困難
就算有都只會係一個小旮旯得數隻比你揀
看見這麼多真係好開心
感覺回到舊屎的學生年代
天天入去唱片店拎起睇完又放低
慢慢儲錢先夠錢買一隻
但已經十分開心滿足
自從轉了世代
聽歌只會聽mp3後
連歌名都唔知
樂趣漸漸失去
但買了部黑膠唱盤後
聽歌的樂趣便開始回來
我哋在這家唱片店揀到樂而忘返
最後足足買了五隻唱片
滿載而歸?