今天一對 6CA7 終於運到
返到屋企第一時間換咗兩支原裝國貨 EL34B
唔知係咪心理作用
啲聲係乾淨咗清脆俐落咗
感覺好咗但希望煲耐少少可以更好啦
換膽記
重執舊相簿
因為個 DLNA
所以重新執過哂啲舊相簿
之前都苦惱緊點樣可以喺個 iWed 抽返啲相出嚟
諗咗幾日試過用 Photo、AcdSee 同埋 Aperture
終於試到用個 Light Room 係最方便
呢家執咗兩個 trip
睇返啲相諗返起當時嘅歡樂都夠開心一晚
週日日常
今日好似做過好多嘢
但又好似冇乜嘢做過
一早車咗岳父岳母去飲茶
飲完茶返屋企洗衫晾衫吸塵拖地
然後睇咗套卡通片
再去洗車
夜晚諗住去 mikiki 食飯
但冇位排隊泊車
於是便轉去了新都城
行一陣再食個飯
再去超市入貨
買咗大量檸檬茶及汽水塞滿個雪櫃
咁又放了兩天假期
聽日又要繼續機械式工作了
水喉佬
今日又做水喉佬
更換馬桶組件同埋咸水喉管
前兩日發現漏水
等咗兩日襯今日放假便緊急維修
攪咗半天整完都好彩攪得掂
希望今次係最後一次麻煩事啦
攪掂個廁所工程後便去睇場戲
個故事係幾有趣但成套戲嘅節奏又悶又慢
睇完戲去德福食個晚飯
然後返屋睇曹星如
睇見佢打到額頭都腫晒
真係睇見到痛
但最後都憑點數加點運氣
成功廿二連勝
睇見香港人有咁嘅成績都好興奮