Ghöz | SnGhome.UK
今天去了 apm 果間 Apple Store
將女皇的iPad mini補錢換成iPad mini 4
今次比上次順利好多
因為經過上次先知個 Apple ID 被鎖
今次準備充足唔洗半個鐘就完成走得
不過原來舊果部同新果部嘅size有出入
所以又要喺淘寶買返個保護殼同螢幕保護貼
順便一提 Apple ID/iCloud 個賬號保安係有兩種
原來我用緊係舊款而女皇所用嘅係新款
而且女皇部舊款 MacBook 個 OS X 10.9
係唔支援新款嘅賬號保安系統
所以之前想 update app 入密碼都冇反應
入咗幾次便 lock 咗 account
反而我用緊舊嘅賬號保安系統就完全冇呢個問題
真係比佢吹漲！
今日見有新款iPhone 8 Plus 開售
屎忽痕買咗部諗住炒吓
但夜晚見仲好似有大把貨
於是乎都係取消訂單唔好搏喇
這部新款其實又冇乜特別新功能
都係留返彈藥玩 iPhone X 啦
新iPhone昨日公報了
明天開始預訂 iPhone 8
但焦點應該是 iPhone X
十月尾才開始預訂
十一月頭出貨
不過 iPhone X 差不多要成皮嘢
記憶中以前手提電話確係咁貴
之後普及了就越出越平
而以前 Nokia 8850 都好似曾經炒到成皮嘢
當年嚟講手執一部8850係代表身份象徵
不過科技產品壽命好短暫
用得一兩年便已經係過時產品
就算佢未壞你都想換機
十年前第一代 iPhone 出現時
的確係好特出的高科技產品
但來到今天
同類型產品或山寨品大把選擇
唔知蘋果今次又可唔可以再突圍而出呢？
現階段無法估計前景
只可見步行步
準備吓自己可行嘅選擇
首先初步已知事實係大老闆會賣公司
公布消息係最快或預期今年第四季簽約
即是話現在未有任何變動
直到年底正式被收購後
估計都要下年第一季先知會點樣合併
究竟會裁員定係可以留低真係冇得諗
所以下年出埋雙糧花紅之後
可預視嘅情況應該係走得嘅走喇
祝大家好運啦