呢家香港地啲人真係好大壓力
明明條路咁寬迎頭相遇應該唔會有身體接觸
但係見條友來勢兇兇
我已經行埋一邊避開佢啦
點知我越係讓佢越係進擊
係都要逼埋嚟撞吓我先安樂
好明顯佢係有意衝埋嚟撞我
當時第一個反應係摸吓自己有冇比佢噠嘢
係有怒火上沖但只是回望吓佢然後可一笑置之
無謂浪費時間喺啲無聊人身上啦
一笑置之
係時候買多份保障
今晚女皇約咗個保險朋友晚飯
介紹吓份危疾保險
其實買保險都只係買個保障
最好係唔需要動用啦
但唔需動用又買嚟做乜呢
到真係有事冇筆保險金又唔掂喎
不過每年要供萬幾蚊又好似好多咁
所以都十五十六唔知值唔值得投資
Memory Card Audit
今晚屎忽痕
摷哂啲 memory card 出嚟做 audit
原來現役中的記憶卡總數有十六張
有幾張 size 太細所以都要退役喇
其中發現有張 mini SD card
見到都覺得好生面口
完全唔記得幾時有過張種卡
反而 SONY 果張 memory stick 就仲有點印象
但係都唔知有咩機可以用得著⋯⋯
插到果部 HD bloggie 都已經荒廢多年冇出擊了
等我得閒又 update 吓個二手 page
睇吓有冇人啱洗就送出去啦
始終都係大牌子穩陣
上星期在淘寶買嘅ActionCam
今日終於收到喇
好少何順豐直接運到香港都要五日時間咁耐⋯⋯
呢隻cam其實當佢二手貨都冇錯
九百幾蚊港幣買隻有質素嘅 Action Camera
總好過幾舊水買隻冇水準嘅大陸山寨 Cam 嘅
佢最抵死係可以用返哂舊型號嘅裝備
電池同防水殻可以互換互用非常方便
而且佢聲稱裸機可以防濺水防雨防雪
正正最適合去滑雪時用喇
用過幾部 Action Cam
拍出嚟嘅質素最好同最好用嘅
始終都係 Sony 果隻
所以都係唔好貪平買小蟻山狗喇
之前喺灣仔果間唱片鋪賣$689
都已經心郁郁想買
但佢個價錢 set 得衰所以忍手冇買
但今晚行旺角唱片鋪見到平九蚊
諗咗一陣最後拎隻碟去櫃枱科水
比錢時都預咗冇折
但收銀阿姐話做唔到九折比我
收我六百五啦
卒之又慳多幾十蚊
買到心頭好又比預期抵咗真開心