搵咗啲細號爆炸螺絲好耐
但竟然淘寶都搵唔到
明明老豆會買到喎
唔通訂造嘅？！
淘寶都冇？
很久不見的黑雨
今朝返工時已經很大雨
但都只係黃雨
到個個返哂工返哂學先掛紅雨
到差不多放飯時間變黑雨
雖然⋯⋯我認為天文台都應該係根據數據行事
不過也太巧合了吧
一場黑雨攪到週圍水浸
這情景細個果時經常見到
舊陣時香港好多地方一落大雨就會水浸
因為渠道做得唔好
但近十幾廿年開始好少見這水浸情況
可能因為香港個個默默耕耘
努力改善環境令到水浸情況得到改善
不過近幾年香港好似變咗
變壞咗⋯⋯
社會唔和諧
政府好多時愛理不理
淨係掛住搵錢
大白象工程十億百億倒出去
但民生事隻眼開隻眼閉
咁嘅政府咁嘅管治⋯⋯
最終嘅結局不難預料⋯⋯
會過去的
近排發生好多不如意事
希望都一一過去
快啲可以回復安穩啦
雙子到手
終於都買到隻雙子座喇
初版果屎未開始儲這個系列
但當我開始入手時
已經比人炒到超過二千
癲瘋時仲超過三千添
今次出再版終於可以較合理的價錢到手
不過都覺得仲係比人炒高咗少少
上星期五啱啱發售時
鴻興賣$899
當時都覺得有少少貴所以想等吓先
但今日行過鴻興已經上到$999
心諗佢哋開始屯貨炒貴佢
明明係再版都賣到咁貴所以唔想幫襯
於是行過兩間見到賣$899
即刻入貨費事好似上似水瓶座咁
一路直上到呢家都入唔到手⋯⋯