今日收齊哂所有物料喇
下午立刻開工安裝廚房果組層架
試吓難度有幾高
雖然只係鑽幾個窿上兩條柱
睇落好似好簡單
但難度在於要精準
因為塊層板距離訂好咗
少少誤差都會有麻煩
好彩今次都成功安裝冇乜偏差
不過都攪咗三粒鐘
最嘥時間係搬開啲雜物
同埋清潔用咗大半工序時間
今次經驗要好好參考
下一步整細房套書枱層架就可以快手啲喇
廚房僭建
細房重組計劃始動
今日一早去攞返個微波爐
諗住信興應該都大公司穩陣啦
點知搬到返屋企一開機又係一樣
真係激死
下午喺屋企開始執拾細房
搬咗張床褥同床執
解體後空出地台
準備細房重置計劃啓動
冇哂規矩⋯⋯
今時今日係咪蠢人先會守規矩呢？
究竟雙黃線仲係唔係不准停車呢？
呢家啲人好似都唔會理
總之失驚無神話停車就停車
唔理任何位置唔洗理會唔會阻到人
什至泊埋喺雙黃線上都話知你
相反執法果啲呢⋯⋯
又係隻眼開隻眼閉
見到都唔理
攪到個個都唔守規矩
一個文明社會係建基於人人奉公守法之上
如果人人都唔守秩序
咁呢度就再唔會係一個文明社會了⋯⋯
材料準備妥當
細房重組計劃所需要嘅材料陸陸續續到手
今個星期收齊哂後
下星期便可以開工喇
不過有人好似想我平日請假去整
唔洗 weekend 阻住享受假期咁喎⋯⋯