原本計劃係今日可以拆棚完結這次突發工程
可惜拆棚師傅就唔到個期要星期五先可以解決
所以個假又要就一就變咗今日返工聽日放假喇
隊友明天便 last day
所以今日係最後見面了
祝佢一切順利啦
好似好耐冇返office
逐漸恢復正常
今日安排了重新接駁煤氣喉
師傅十一點左右到達開工
沙塵滾滾幾粒鐘
整到兩點幾便攪掂
終於有番熱水同埋煮食爐用喇
之後等星期五拆棚便大功告成
等了又等
今日特登要留喺屋企做嘢為咗等個師傅嚟鑽幾個窿
點知等咗成日人影都冇個
卒之到我收工都未嚟就打比佢問咩事啦
原來佢話今日忙得滯冇時間過嚟要聽日先嚟到
聽完真係火都嚟
一早叫佢星期三一次過一齊做又話唔好
依家又話聽日先做
一早講我就唔洗喺度等佢成日啦
點知講好聽朝嚟整轉個頭又打比我話要依家上嚟做
屌！依家玩咩⋯⋯
差不多六點嚟到
拿拿淋比佢鑽好幾個窿之後
我又要清潔做餐懵嘅
掃乾淨啲灰塵跟手拖埋個地
執乾淨個廁所再沖個涼
然後便出街約咗個死佬唱K
呢幾日屈埋屈埋真係要發洩吓
玩到成點先返屋企
明天又再繼續個大檸樂工程
希望真係可以如期完成啦
大檸樂工程正式啓動
今天正式開始大檸樂工程
一早起身便搬好張梳化
執拾好窗邊雜物
搭棚師傅十點到場開工
沙塵滾滾睇見都煩
見佢用兩口拉爆上一對狗臂
跟住就喺上面排幾支竹
扎好就攪掂個地台
然後上面又鑽口拉爆
用條鐵線拉實支竹
再扎埋個圍欄
看似好簡單但見佢汗水係咁流
都知係辛苦錢搵命搏
所以見佢整花個地台都冇出聲
免得佢心情唔好整花多幾處咁就仲麻煩
十點開工整到四點就攪掂哂
中間只係放飯一小時
用五粒鐘便搭好個棚
而損毀輕微都算好彩了
嚟緊聽日鑽外牆窿
星期三或四攪埋條煤氣喉
星期五拆棚便完成
希望順順利利啦