Ghöz | SnGhome.UK
WordPress 最正嘅地方係可以 plugin 其他 app
可以有好多不同種類嘅工具使用
例如之前安裝了備份工具
可以定時每天備份一次
又可以限制儲存一個月然後刪除
全部自動化非常方便
琴日未解決到的疑難之一
今天便搵到一個好方便的 plugin
可以無痛 sync up 所有 facebook 嘅 Photo Album 入去 WordPress
簡直係無敵神器
以後唔洗咁麻煩 upload 幾次去唔同地方
淨係整個 facebook Photo Album 就得喇
click 幾 click 就可以 sync 哂啲相
非常方便
琴日未解決到的疑難之二
一路以來都唔係隻 Raspberry Pi 或者 OS config 有問題
原來係我嘅 troubleshoot 方向錯誤
出問題嘅地方原來係隻 LCD Mon
今晚屎忽痕插去隻大電視試一試
撞鬼完全冇事畫面清晰
既然無事一切正常
咁隻 spare pi 就多嘢玩囉！
呢兩日假期女皇要閉關練功
所以好得閒
咁啱可以慢慢砌好隻 Raspberry Pi + WordPress = Web Server
經過一星期嘅研究
琴晚終於都將佢出街喇
雖然自己砌係辛苦過用街外現成嘅 Host
但滿足感完全兩回事
之前暫時做替工果個 site 都可以退役了
希望新網站生生性性
可以服役十年八載啦
不過現在仍然有啲問題未解決到
Upload media limit 唔知點解有 2M 限制
網上爬文試過好多方法都唔得
不過正常寫 blog 一幅相 2M 以下問題不大
最大問題係旅行相簿暫時都未有解決方案
要日後慢慢再諗辦法
第二係隻 raspberry pi 出唔到 hdmi 去 LCD
又係網上爬文都未解決到
除了以上問題
基本上都十分滿意
價錢平成本低
效能都足以應付日常需要
Raspberry Pi 真係繼 iPhone 之後
又一科技上嘅偉大發明呀！
琴晚飲咗好多
但今日又冇宿醉感覺喎
瞓醒後落街食早餐
再去剪個髮
然後回家做家務
清潔洗衣機同廁所大清洗
再吸塵打掃後
又繼續整理隻 Web Server
整體都準備就緒
應該可以好快推出喇
攪咗一個星期
都開始摸索到個 WordPress 嘅模式
今日亦都有頭緒可以點樣同隻 NAS 連接
但仍然有少許麻煩事情未解決到
其實表面上好簡單好快好容易就起到隻 Server
但背後牽涉到 SQL 同 Database 嘅範疇
都幾深奧……