要返歸了
一早食完早餐九點便出發
接近六小時車程去成田機場
在機場血拼兩小時
再上機坐四個半小時
便回到香港了
等齊行李再坐 GoGoVan
十二點半就返到家
今年嘅滑雪之旅又完結了
又要等三百六十天
下季再見了
2018斑尾野澤第十二季滑雪之旅第七天
2018斑尾野澤第十二季滑雪之旅第六天
話咁快已經是最後一天滑雪了
今天沒有目的地自由滑
但個場實在係冇咩特別
其實我哋第一天已經玩哂
不過一季只能玩幾日
冇乜理由唔玩盡佢
一開始便玩玩個 park
今天地面狀況良好
玩了兩轉便劈過去斑尾
但途中有人發覺唔見咗個電話
搵真啲銀包都唔見
才發覺應該係冇帶出嚟啫
真係虛驚一場
在斑尾滑了一陣便返過去 Tangram
回房休息一會便再出去玩多陣
不個下晝個地面好唔理想
搭 lift 個地面直頭係冰面
真係一唔小心便會跣到灘灘腰
在這情況下唯有鳴金收兵
今季到此為止了
總括今季我真係大倒退
完全好似變成唔識滑咁樣
又扭親手又淆底唔敢衝
比我去到大場都係冇咩用
所以今年目標係上世窗練習
期望下季可以做得更好吧
2018斑尾野澤第十二季滑雪之旅第五天
今天繼續過野澤玩
果邊今日初時天陰有霧
跟住漸轉天晴及出太陽
冇落雨就好好多喇
上山頂劈一轉後
便入去個 park 玩吓
今天幾乎全部時間都喺個 park 玩
玩到攰便去食個 lunch
最後便直劈落巴士站上車回酒店
咁就滑咗四日
滑埋聽日又要等三百六十日了
2018斑尾野澤第十二季滑雪之旅第四天
自己都覺得好曳
明明受傷但紮住隻手又去玩
仲要玩足成日
雖然今日野澤落雨
記得上次去野澤又係落雨⋯⋯
但我哋都劈咗兩轉
呢邊個地下就似樣喇
地面真係雪而不是冰
滑落去係雪雪聲而不是摑摑聲
感覺真係爽好多
玩到四點便回程返斑尾果邊嘅酒店
途中仲車我哋去超市 shopping
個個都買到滿載而歸
返到酒店後換衫便去吃晚飯
今晚我哋食日式火鍋
不過我就覺得前晚嘅法國料理比較好味
但一場嚟到又試吓啦
吃飽抖一陣便去浸個溫泉
然後便上床瞓覺準備明天又去玩喇