享受完百年老牌溫泉旅館之後
便開車前往抱返溪谷
又估唔到毛啦啦有個紅葉祭但冇乜紅葉
行個圈睇吓條回顧之淹
然後便繼續上路去角館參觀吓啲舊街舊屋
之後又開兩粒幾鐘車去小安峽
今天時間控制得好好
三點未日落便去到仲可以行吓
睇吓個峽行吓條橋遠眺條瀑布都好開心
最後去到間民宿都有驚喜
乾淨企理之餘個晚餐豐富都爆炸
不停食咗超過個半鐘先勉強食得哂
呢幾日都早睡早起
因為好早天黑夜晚又冇乜節目
唯有喺房飲吓酒早啲瞓
Day7．悠閑地享受旅程
Day6．百年溫泉旅館
做咗兩晚 backpacker 感覺年輕咗 😅
今天食個杯麵做早餐
然後便執齊包袱出發
首先去遊吓田沢湖
然後食個 lunch 之後去浸溫泉
第一次去混浴池感覺冇乜特別
可能麻甩佬同女人觀念不同
冇乜嘢可以比人睇蝕 😅
浸完妙乃之湯後便開車去今晚個溫泉旅館
這個秘湯聲稱過百年歷史
不過旅館設施就真係好舊式
但溫泉嘅流黃味就勁濃烈
我哋 check in 完四圍行一陣
之後又再走去浸一浸
爽完之後抖一陣七點先去晚飯
食飽後又再去浸吓
但今次明明係浸緊個男湯
得自己一個浸緊時
突然有個女人走入嚟
兩人都呆咗
然後個女人走返出去
我都擔心係自己入錯湯
都係急急腳著返衫閃人喇
發生小插曲後便返房飲罐啤酒定吓驚
然後便準備瞓覺
Day5．奧入瀨雞流
諗咗成晚都係用返之前果個行程計劃但逆行
起身食個民宿早餐
然後便執齊裝備開車出發
去到奧入瀨溪流入口泊好車
便開始今趟旅程重中之重
一路行一路慨嘆好靚好靚唔知幾多之
由天陰陰多雲行到出太陽
今次真係衝破魔咒最夯作
每一處都係靚到一個點
求其影一張相都係代表作
我哋八點開波行到十二點
行咗四粒鐘去到石ケ戸休息點便結束
又好好彩即刻有巴士返到去子ノ口
攞返車後便去入油
然後去食個 lunch
再揸車又入返去奧入瀨
上到去奧入瀨溪流館行吓
又好好彩見到有地區限定版 mont bell tee
於是乎買咗比自己開心吓
埋個 tea 便遊吓個十和田湖
點知臨尾段路程封咗路
卒之又要揸車返轉頭
最後又係天黑先返到旅館⋯⋯
Day4．種差八戶
今天酒店包早餐
食飽便開車出發去種差海岸行吓
跟住去八戶食個爐端燒
再跟吓買手信
最後又係趕行程天黑先去到今晚住宿地方
好彩嘅係 Backpacker 都唔太差
更好彩嘅係原來可以加錢食晚餐
如果唔係都唔知邊度搵嘢食
不幸嘅係明天計劃迷失了