Ghöz | SnGhome.UK
做咗兩晚 backpacker 感覺年輕咗 😅
今天食個杯麵做早餐
然後便執齊包袱出發
首先去遊吓田沢湖
然後食個 lunch 之後去浸溫泉
第一次去混浴池感覺冇乜特別
可能麻甩佬同女人觀念不同
冇乜嘢可以比人睇蝕 😅
浸完妙乃之湯後便開車去今晚個溫泉旅館
這個秘湯聲稱過百年歷史
不過旅館設施就真係好舊式
但溫泉嘅流黃味就勁濃烈
我哋 check in 完四圍行一陣
之後又再走去浸一浸
爽完之後抖一陣七點先去晚飯
食飽後又再去浸吓
但今次明明係浸緊個男湯
得自己一個浸緊時
突然有個女人走入嚟
兩人都呆咗
然後個女人走返出去
我都擔心係自己入錯湯
都係急急腳著返衫閃人喇
發生小插曲後便返房飲罐啤酒定吓驚
然後便準備瞓覺
諗咗成晚都係用返之前果個行程計劃但逆行
起身食個民宿早餐
然後便執齊裝備開車出發
去到奧入瀨溪流入口泊好車
便開始今趟旅程重中之重
一路行一路慨嘆好靚好靚唔知幾多之
由天陰陰多雲行到出太陽
今次真係衝破魔咒最夯作
每一處都係靚到一個點
求其影一張相都係代表作
我哋八點開波行到十二點
行咗四粒鐘去到石ケ戸休息點便結束
又好好彩即刻有巴士返到去子ノ口
攞返車後便去入油
然後去食個 lunch
再揸車又入返去奧入瀨
上到去奧入瀨溪流館行吓
又好好彩見到有地區限定版 mont bell tee
於是乎買咗比自己開心吓
埋個 tea 便遊吓個十和田湖
點知臨尾段路程封咗路
卒之又要揸車返轉頭
最後又係天黑先返到旅館⋯⋯
今天酒店包早餐
食飽便開車出發去種差海岸行吓
跟住去八戶食個爐端燒
再跟吓買手信
最後又係趕行程天黑先去到今晚住宿地方
好彩嘅係 Backpacker 都唔太差
更好彩嘅係原來可以加錢食晚餐
如果唔係都唔知邊度搵嘢食
不幸嘅係明天計劃迷失了
一早起身落街食個靚早餐
然後便出發去八甲田山
去到買咗飛便四圍行吓影吓相
跟著便搭架纜車上山
行吓影吓相睇吓風景
便搭返纜車落山繼續行程
城蒼大橋到此一遊
再路過地獄沼
蔦沼個倒影好靚
之後去奧入瀨麥酒館食唔到 pizza 嘅 lunch
最後去睇草菅彌生嘅藝術公園
本日行程完畢後便到酒店放低行李
然後再出去食晚餐
行程緊密的一天行程便圓滿結束