Ghöz | SnGhome.UK
諗咗成晚都係用返之前果個行程計劃但逆行
起身食個民宿早餐
然後便執齊裝備開車出發
去到奧入瀨溪流入口泊好車
便開始今趟旅程重中之重
一路行一路慨嘆好靚好靚唔知幾多之
由天陰陰多雲行到出太陽
今次真係衝破魔咒最夯作
每一處都係靚到一個點
求其影一張相都係代表作
我哋八點開波行到十二點
行咗四粒鐘去到石ケ戸休息點便結束
又好好彩即刻有巴士返到去子ノ口
攞返車後便去入油
然後去食個 lunch
再揸車又入返去奧入瀨
上到去奧入瀨溪流館行吓
又好好彩見到有地區限定版 mont bell tee
於是乎買咗比自己開心吓
埋個 tea 便遊吓個十和田湖
點知臨尾段路程封咗路
卒之又要揸車返轉頭
最後又係天黑先返到旅館⋯⋯
今天酒店包早餐
食飽便開車出發去種差海岸行吓
跟住去八戶食個爐端燒
再跟吓買手信
最後又係趕行程天黑先去到今晚住宿地方
好彩嘅係 Backpacker 都唔太差
更好彩嘅係原來可以加錢食晚餐
如果唔係都唔知邊度搵嘢食
不幸嘅係明天計劃迷失了
一早起身落街食個靚早餐
然後便出發去八甲田山
去到買咗飛便四圍行吓影吓相
跟著便搭架纜車上山
行吓影吓相睇吓風景
便搭返纜車落山繼續行程
城蒼大橋到此一遊
再路過地獄沼
蔦沼個倒影好靚
之後去奧入瀨麥酒館食唔到 pizza 嘅 lunch
最後去睇草菅彌生嘅藝術公園
本日行程完畢後便到酒店放低行李
然後再出去食晚餐
行程緊密的一天行程便圓滿結束
今朝一早起身執好包袱便出發
搭新幹線上青森
上車前買定弁丼做早餐
食飽又瞓一陣
三小時左右便到達
落車行幾分鐘便去到租車公司
順利攞完車便正式衝破東北魔咒
出發去弘前公園
一小時車程後順利到達
遊覽吓欣賞吓紅黃綠葉
行完弘前公園再去個蘋果公園食蘋果批
食飽後便開車回到青森市
再行埋個 A-Factory 食咗個 gelato
然後便到酒店 check in
最後再去食碗拉麵
完美完成今天行程