今日起身食個早餐便出發去遊本栖湖
去咗兩個因為卡通片出名嘅露營場地參觀
同埋去食咗個粗烏冬
跟住就去今晚住嘅民宿
間房非常古舊同設備都幾簡樸
不過都幾有特色
朝聖營地
富士精進湖
玩咗唔記得第幾日了
繼續節目豐富但唔趕嘅
原先諗住去嘅溫泉冇開
但揸揸吓車有人又搵到另一間露天風呂
於是即刻就揸車轉場去果間溫泉旅館
浸完再即興食個午餐鍋物
食飽再一人一雪糕
之後再遊西湖及精進湖
影吓相遊覽吓
再去行吓露營用品店
便買餸返民宿煮晚餐
食飽沖完涼再飲吓酒
便執包袱準備明天繼續上路了
富士山．河口湖
今日行程係搭車去攞車
坐巴士由東京去山梨縣河口湖
然後去租車公司攞車
跟著便開始沿住河口湖觀賞富士山
對住座山發吽哣坐到日落先去民宿
五點幾天都黑晒又凍冰冰
去到間屋擺低行李又出去買餸
今晚豬肉菜鍋食飽暖笠笠
再沖個涼圍爐飲吓嘢
如果日日都係咁就爽喇
行行企企飲飲食食
今日行程依然係行街 shopping 加食食食
一起身就去咗排隊一粒鐘食雞湯拉麵
跟住食飽路過 Fancl
就買咗一大袋好抵嘅護膚品
然後去明治神宮球場打棒球
之後去新宿睇露營用品店
隊友又幫人買咗盞氣燈
行到攰就去飲杯茶食件餅
食完再返東京駅食壽司
食飽再去食士多啤梨巴菲
再食飽再去飲杯威士忌
全日就係咁行嚟行去同食食食飲飲飲