六點半起身梳洗換衫
七點出發車女皇返工
然後返屋企八點開工
做吓抖吓再飲杯咖啡
等到十二點半食晏晝
食飽洗完碗繼續開工
磨到五點收工又開車
接女皇收工返到屋企
睇吓新聞然後煮晚餐
食飽又洗碗然後沖涼
跟著上床碌吓部手機
攪吓呢樣又睇吓果樣
到十二點左右便瞓覺
疫情下之日常
封閉式生活
每日生活都係屈埋喺屋企
對我嚟講唔太差
有得食有得瞓
生活未算有太大影響
份工又未去到最壞情況
層樓又供完
又有少量積蓄
只要唔太大變化
慳啲洗又儲多少少棺材本
短期內都冇太大壓力嘅
回憶
近排經常諗返舊史
以前的同學以前的同伴以前的好朋友
二三十年過去
大家都活得好嗎？
抗疫中的第N個週末
疫情看似稍稍緩和
但仍然不能鬆懈