去飲

今晚聲表哥嫁女
見番好多好耐冇見嘅親戚
本來係應該開心嘅
但上代恩仇令到場面有點尷尬
其實點解要記仇?
點解唔可以原諒?
做人豁達啲
一定會開心過日日夜夜記住啲唔開心嘅往事
放開真係咁辛苦咩?

做到眼鯨鯨

今日真係開工做到收工
中間淨係捱個杯麵真係陰功
不過有得做總好過冇得撈嘅
收工時對眼赤赤痛
感覺真係力有不逮
太用神太集中但不能持久⋯⋯
同舊屎真係差好遠了⋯⋯

應付突發情況

通常啲麻煩嘢例如中毒或被騎刧
都要攪幾日先收到科
所以琴日嘅屎今日仍然繼續
都真係好耐冇試過要用到七成功力喇
好彩都仲頂得住
臨收工時都仲未完
希望明天唔會又要由頭做過啦