Posts

Posted on

南法第七日

2019Spain+France – Photo Album

今天酒店包咗個豐富早餐
有專人服侍
食飽再標個檸
然後便執齊行李開始南法的尾聲
第一站先去 lookout 睇睇個石頭城
然後再回去紅土城看看
這裡到處也是獨特建築
我們因為今天行程都比較趕
所以都盡快行咗粒幾兩粒鐘後便開車走了
之後繼續趕路去睇梵高
到達後我們先在河邊吃點小食
跟著便開始踏上梵高之路
看看他畫畫的實景
行了很久看了幾個地方
攰了後便在梵高筆下的黃色餐廳飲杯咖啡
坐吓抖吓休息吓之後
又繼續遊覽梵高足跡
最後參觀完那條吊橋後
便起程前往南法最後一站馬賽
去到馬賽後感覺如臨大敵
好似通街都係賊咁
幾經波折後終於攞到房
分配好安頓好後便去海邊走走
我們泊好車便沿海邊找尋馬賽魚湯
搵了兩三間
唔係冇位便是唔啱心水
好彩屎忽撞棍行行吓又搵到個靚地方
又好好彩 last order 前去到可以入座
於是便可以吃到一餐好好味的馬賽魚湯
就連我倆不愛吃魚的也覺得很好味
吃飽很滿足後便開車返歸
途中路過馬賽聖母院又到此一遊參觀吓個外圍
然後便返去沖涼瞓覺
準備明早便飛去西班牙馬德里了

Posted on

南法第六日

2019Spain+France – Photo Album

今天都係十點開車出發
首先去油站入油
然後便去 Riez 一條小鎮
原本諗住食個 brunch
但兜個圈又唔見有乜好食
睇中果間又未開
於是便繼續上路開車去 Valensole
原途見到啲薰衣草田但沒有薰衣草
到達 Valensole 後行一陣
食個午餐竭一竭
間餐廳望落以為都OK
但坐低睇完 Menu 發覺麻麻地
不過坐低咗又有啲餓
所以勉勉強強又食一餐啦
食飽之後又開車上路
沿途見到有啲薰衣草田又停車玩吓
然後繼續去到 Provence 嘅 L’Occitane 發源地
Shopping 參觀吓後又開車去 Roussillon 紅土牆
去到行了一陣先發覺要趕去酒店 check in
於是又急急腳上車趕去今晚間酒店
今晚酒店住喺 Gordes 石頭城
酒店環境很好同埋有兩間套房
我們安頓好後便行出去 Gordes 遊覽吓
Gordes 同 Roussillon 又係另一種美
街道古舊得嚟又很乾淨
我哋行到攰又去食個甜品
食完又繼續行
行完便搵間餐廳食晚餐
今晚都係食法國餐廳
而且很有水準
吃飽後便慢慢散步回酒店
休息一會又落去酒店嘅花園酒聚
回顧一吓這幾天的旅行趣事
每天也玩到十分攰
不過又好似冇咩玩過
非常有趣

Posted on

南法第五日

2019Spain+France – Photo Album

今天早一點九點半出發
先去附近阿 Paul 食個甜品早餐
雖然係法國大家樂
但質素都很好
食飽後便上路
途中見到個真係有沙嘅沙灘
我哋又泊好車跳落水
但玩咗一陣有個救生員物體開隻快艇衝過嚟
話掛咗紅旗可能會有鯊魚
嚇到即係上返水開車走
個幾小時車程去到 St. Marie 條罅隙
這裡有個海灘靠近一條天然山峽
很多遊客在這裡嬉水
我哋喺度 picnic 食啲嘢
然後便租隻四人艇遊吓條海峽
玩吓水拍吓照
玩到六點左右便上車繼續趕路
跟著我們去聲稱法國最美麗小鎮
環境氣氛都很舒適
我哋行上山參觀個教堂
條山路用石砌成都幾崎嶇難行
就咁行上去都已經索哂氣
可想而知以前起座教堂喺山上面有幾困難
遊完 Marie 之後便趕去今晚嘅酒店
剛好九點前埋舟
由於今晚入住的地方都幾偏僻
環顧四週都唔覺有餐廳
所以我哋決定在酒店食晚餐
雖然話係酒店但價錢唔算好貴
當然質數都一樣成正比啦
不過都唔太差
吃飽後返房又要輪流等沖涼
最後又係攰到爆沖完涼便躂落床瞓覺了

Posted on

南法第四天

2019Spain+France – Photo Album

今天要離開尼斯了
我們瞓到十點先起身執行李
差不多十二點才 check out
跟著開車沿海邊去康城
途中喺海邊餐廳食個早餐加午餐
吃飽便繼續上路
但去到康城時超級大雨
搵到位泊車但係都落唔到車
所以唯有放棄
之後開車去今晚嘅酒店
個幾小時車程去到 St. Tropez
酒店冇乜特別
似係長洲渡假屋
攞完房安頓好後諗住出去玩划艇
可惜個天又落大雨仲開始水浸
所以又被迫退回房內從長計議
我們決定先去超市買啲紅酒白酒夜晚享用
然後去餐廳食晚餐
今晚間餐廳喺山上十分偏遠
開車去到但冇位泊車
好彩再行前少少便有位
泊好後便去餐廳
坐好點餐時天色還可以
飲完湯便開始落雨
仲要越落越大又開始水浸
在露天嘅人客開始狼狽走入室內避雨
餐廳職員忙於應付
我們就坐在看著
雖然我們位置上還可以
但後來都開始頂唔順
好彩隔離枱食完就讓座給我們繼續用餐
雖然都幾混亂
但看得出餐廳好努力去應付突發的壞天氣
卒之吃了幾粒鐘晚餐
食埋甜點結帳回酒店
返到去各自沖涼後又再酒聚
直到飲完一支後才散水瞓覺