2020雙北計劃始動

琴晚應該瞓得唔好
張床太硬瞓到腰骨痛
加上唔夠瞓今朝起身又頭痛又腰痛
年紀大真係唔襟捱
起身後又開始食
今天食返琴晚淨返嘅物資
不過食淨嘅嘢都非常好味
食飽便收拾細軟開始徹離
跟著我哋開始傾傾下年嘅旅行計劃
但傾嚟傾去最後都未落實買機票
今次因為要遷就各人嘅時間
都會比較複雜少少
距離下年暑假仲有好長時間
應該可以慢慢從長計議嘅

一年一宿大棠食瞓玩

每年都會嚟一次
朝中有人好扮事?
今次間房超級大
每人一張床都仲有淨
我哋五點去到
安頓好分好床位後
便開始準備晚間燒烤活動
又切又洗又淹
攪咗粒幾鐘終於開始燒喇
今晚好豐富
食足七個鐘
飲飲食食吹吓水
玩到三點幾先執嘢
再沖埋涼四點幾先上床瞓覺