Ghöz | SnGhome.UK
2019Spain+France – Photo Album
玩咗兩日已經攰到散哂
但仲要玩多十幾日
頂住呀！
今日一早要揸架 Mini 去機場還車
然後租架七人車
開始我哋今次南法之旅嘅 road trip
攞車後首先去超市買啲 picnic 嘢
然後去了一個河邊 pic 個 nic
哪裡環境清幽
有樹蔭有河水有太陽有餐枱
簡直係好到不能再好
吃飽後又再開車去咗整香水
這裡可以製造一支自己喜好味道的香水
過程大約個半小時
喜歡香水又想試玩嘅都應該要去吓
整完香水後又路過一間路邊小店
於是又返轉頭入去幫襯吓
不過這家店的甜點就一般
食完後我們去了家樂福買晚餐
今晚諗住買嘢返酒店食
這裡的家樂福大得好誇張
估計如果要慢慢逐行逐行睇
應該都要大半天時間
我哋買咗一打生蠔
兩盒沙律一啲少食麵包再加紅酒白酒
買齊嘢便開車返去酒店
但今次唔係咁好彩
返到去冇位泊車
卸了物資後便週圍兜吓搵位
兜了幾個圈後終於有個幾逶嘅位泊到車
然後行返酒店
大家夾手夾腳炮製了一個豐富晚餐
飲飲食食吹吓水
盡興到深夜才輪流沖涼就寢
2019Spain+France – Photo Album
第二天一早起身坐酒店 shuttle 去機場
我哋今日租咗架開蓬 Mini 遊車河
我們首先開車去 Nice 海灘兜番轉
跟著入去個城市泊好車
搵間小店食個 brunch
喺法國多數都係食法飽
但又出奇地好味
再加杯果汁同咖啡
食飽又再繼續去玩了
我哋去咗個市集行吓
買咗個蜜瓜同埋小小嘢
之後喺個會噴水嘅廣場買咗一陣
然後便開車去摩納哥
誰不知原來我哋四張電話卡都不包括摩納哥
所以一進入便已經上唔到網
最麻煩嘅係用唔到 Google Map
等於我哋盲咗一樣
冇哂方向四圍遊蕩
卒之搵到個位停車搵路
再開車離開摩納哥先收得番訊號
但喺摩納哥就真係到此一遊連相都有影過
遊完摩納哥車河之後
我哋在 Nice 近郊一個海灘泊好車
然後落水玩吓
在法國
日照時間好長
七點前日出一直曬到八點幾先日落
所以我哋每日都玩到好夜先食晚餐
今晚我哋游完水
然後開車去附近一間好靚嘅海邊燈塔餐廳食晚餐
點了條魚同埋一啲小食沙律併盤
開支白酒飲吓
望著個靚景食晚餐
真係旅行最開心愉快的事
食完晚餐揸住架開蓬 Mini 返去酒店
雖然係貴但人生冇乜幾多次
就任性一次啦
2019Spain+France – Photo Album
經過十幾粒鐘機程
到達巴塞隆拿
然後等三個幾鐘
再轉機去到法國南部的尼斯
之後打的去到這幾晚下榻的酒店
由於未到 check in 時間
所以擺低行李四圍行吓
但非常之曬
於是搵間餐廳食嘢
今次旅程的正式第一餐
這裡的洗費都幾貴
普普通通每人一杯飲品再加個 pizza 同沙律
咁就九十歐羅
不過都預咗歐遊係貴
食完上房安頓好後
便換泳裝落去個海灘曬吓太陽游吓水
雖然話係可以游泳的海灘
但就唔係沙灘係石灘
踩落去非常‘銀’腳
不過我哋都玩得好開心
玩完後返房間沖身
然後坐 Uber 去 Nice 個海灘行街
這個尼斯海灘好長
不過都係石灘唔係沙灘
但又有好多人喺度游水喎
行完之後我哋便去食晚餐
我哋揀咗間都幾多人幫襯嘅餐廳
開咗支白酒邊飲邊等位
等咗差不多半粒鐘才有位
然後點了啲地道菜色
食完晚餐再食杯雪糕
完美的第一天行程便完結
Call 架 Uber 返到酒店
輪候沖涼然後便瞓覺了
終於開始進入旅程範圍
執好行李
準備好證件
晚上十點正式出發
打的去機場
行李寄倉
入閘出境
上機坐十幾粒鐘後
明天當地時間早上降落
十幾粒鐘應該都有排捱了