瞓醒十點九便落街去投票
排咗成粒鐘先排到入去投票
不過盡自己責任同本份都是應該的
雖然未知結果
但起碼自己有票在手便好應該出分力
唔好再有無厘頭建設出現喺自己住緊嘅社區
區議會選舉
又做水喉佬
禮拜六嘅節目
就係家居維修
同埋滑雪裝備升級
首先係測試隻電單車頭盔耳機
初步測試效果滿意
音質非常好
不過都要實戰測試先知結果係好定唔好
唯一擔心係雪地溫度低會對電池續航有影響
希望唔會太快冇電啦
整完隻頭盔之後
便要打大佬換水喉
隻廚房水龍頭用咗十年
開始有滴漏問題
於是乎買過隻水龍頭換咗佢
幾經辛苦先換好
雖然都係新不如舊
但是都頂住先啦
攪掂啲維修項目後
便去馬頭圍食晚餐
間餐廳之前都去過兩次
質素有保證
今晚都唔例外
個意粉同甜品都有驚喜
真心可以推介比朋友
準備下季滑雪
原先諗住去韓國 shopping
因突發事件所以取消了行程
但又要準備下季去二世古嘅滑雪裝備補給
於是乎今晚去了 Island Wake 睇睇
雖然今季款色不多
但試吓 size 揀吓款都唔錯
最終都係乜嘢都冇買空手而回
不過大致上都有個大概
乜嘢牌子乜嘢 size
之後便可以上網採購了
會變成點呢？
今天收到消息
話十二月有所改變
會正式分拆撥歸美國旗下
到時直接 under 美國果邊
不過講係咁講
但實際情況仍然係未知數
到時係留係炒到好難講
動盪嘅時勢
有變數可能係好事
不過充斥著不安陰暗面
壓力同恐懼感令人好唔舒服