已經超過五個月
由反修例六九一百萬人上街遊行
六一二衝擊立法會
六一六二百萬零一人大遊行
到七二一元朗白衣人襲擊
到八三一太子地鐵站
到雙十一西灣河警察開槍打傷示威者
跟著仲有中大攻防同圍堵 Poly
中間還有好多好多大大小小嘅衝突事件
到現在仍然未見到平熄嘅跡象
事件導火線嘅關鍵人物行踪不明
社會嚴重撕裂
政府依然龜縮
香港現在算唔算係和平呢？
表面上人人照常返工
但實際上好似一步一步走上死亡之路
香港最後會變成點呢？
記錄吓
懷念的昨天
有幾耐冇打機打通宵？
曾經一齊打機嘅老友
又有幾耐冇聯絡呢？
人大咗就各有各忙？
定係各有理念各有家庭而抽不了身？
有時諗起都會好懷念以前無憂無慮的日子
但現在⋯⋯
明天會變成點都不可預計⋯⋯
點解仲返工
如果唔返工嘅後果係冇咗份工
但抗爭中的年青人
如果唔出聲將來便會沒有將來
我明白及理解
但始終我唔認同暴力抗爭
我唔會參與但亦不會阻止
加油吧！
香港⋯⋯
近日在家閉關
無所事事之下
維修好多樣家居設備
但我們真正的家
可以怎樣維修呢？