今日管理處維修師傅上嚟拔釘批盪天花
歷時半粒鐘便完成
之後又要等佢乾
然後再約最後一次油返靚佢就可以完事
【純粹發洩】
緊急果啲就唔去理唔去做唔（敢）去阻止⋯⋯?
唔緊急果啲就凌晨四點幾正常人都瞓緊覺嘅時候去即刻做⋯⋯?
為咗民意逆轉可以放棄幾多嘢？可以去到幾盡？
有班咁嘅管理層⋯⋯?
真係好難唔令人憤怒！ ?
維修工程第二階段
七一大亂
雖然明白那種無奈
但唔認同這種手段
無力無助
方法唔同各有各做
願抗爭者平安
對於只顧吃喝玩樂不問政治嘅人嚟講
沒有幫到什麼又沒做過什麼
又點能夠指指點點說三道四呢？
又可以要求什麼？
又怎能夠說其他人不是呢？
唯一可以做的
說少兩句
默默祝福所有人都平安無事啦
630X44
今日去了幾個地方
首先係去九龍灣泊好車
然後飲個茶
之後睇吓車
再去參觀凡高展覽
睇吓天才與瘋狂的一線之間
睇完後便去了土瓜灣
聲稱係穩世小店飲杯咖啡食個甜品
估唔到又幾夾幾好味
嘆完個 tea 再去荃灣南豐紗廠
類似 PMQ 咁嘅模式
睇吓展覽參觀吓人哋嘅設計
最後去佐敦食晚餐
今晚食日式鐵板燒
每度菜色都有海膽
樣樣都新鮮好味
雖然每樣都少少
但食吓食吓又食到反艇
食飽飽好滿足後便返歸了
熱辣辣週末
平靜的週末
外面熱辣辣
都係喺屋企涼吓冷氣最舒服
到下午四點幾先出街行吓
飲杯咖啡食個飯行吓街
無無聊聊就最嘆