本來都冇打算再申請信用卡
但突然屎忽痕計過條數
家陣每個月都會盡量用信用卡找數儲積分
而且家居開支加埋自己每日搭車食飯錢
加加埋埋都起碼六七千左右
如果繼續用現時果張信用卡
每個月會比其他信用卡少咗三份一積分
諗落好唔抵
於是乎便的起心肝研究吓邊張啱用
以後盡量儲多啲積分
咁樣飛多幾次便不是夢了
信用卡重組計劃
陸肆卅
秦始皇嘅所作所為多年後也會被評為暴行
今天掌權但難保他朝不會被推反
相信總有一天會水落石出尋冤得雪
當年的立場！
今天的立場？
時間可以改變一切！
可以變壞⋯⋯
亦會變好！
星期一
今個星期返四日工
今天第一日
無驚無險又收工
週日節目
都係起身去飲個茶
然後返屋企調理吓身體
唔知係咪近日下雨天
啲舊患老朋友開始嚟探我
頸梗膊痛週時發生
再老啲都唔知點算
夜晚再出去食個晚飯
之後去超市補給吓
但原來惠康個自助收費系統勁癈
用 Apple Pay 比錢後
佢部機冇反應但我部 iPhone 就顯示收咗錢
叫個經理嚟就話都試過好多次咁嘅情況
要我再比多次錢⋯⋯?
即係咁
電腦程式唔穩定係時常發生
但未完善就 production 就好唔合理囉
仲要係用喺付費嘅平台
咁點會令人有信心用呀！
呢家個世界真係越嚟越瘋狂
人類應該好快會滅亡喇