Ghöz | SnGhome.UK
2019Spain+France – Photo Album
今天早一點九點半出發
先去附近阿 Paul 食個甜品早餐
雖然係法國大家樂
但質素都很好
食飽後便上路
途中見到個真係有沙嘅沙灘
我哋又泊好車跳落水
但玩咗一陣有個救生員物體開隻快艇衝過嚟
話掛咗紅旗可能會有鯊魚
嚇到即係上返水開車走
個幾小時車程去到 St. Marie 條罅隙
這裡有個海灘靠近一條天然山峽
很多遊客在這裡嬉水
我哋喺度 picnic 食啲嘢
然後便租隻四人艇遊吓條海峽
玩吓水拍吓照
玩到六點左右便上車繼續趕路
跟著我們去聲稱法國最美麗小鎮
環境氣氛都很舒適
我哋行上山參觀個教堂
條山路用石砌成都幾崎嶇難行
就咁行上去都已經索哂氣
可想而知以前起座教堂喺山上面有幾困難
遊完 Marie 之後便趕去今晚嘅酒店
剛好九點前埋舟
由於今晚入住的地方都幾偏僻
環顧四週都唔覺有餐廳
所以我哋決定在酒店食晚餐
雖然話係酒店但價錢唔算好貴
當然質數都一樣成正比啦
不過都唔太差
吃飽後返房又要輪流等沖涼
最後又係攰到爆沖完涼便躂落床瞓覺了
2019Spain+France – Photo Album
今天要離開尼斯了
我們瞓到十點先起身執行李
差不多十二點才 check out
跟著開車沿海邊去康城
途中喺海邊餐廳食個早餐加午餐
吃飽便繼續上路
但去到康城時超級大雨
搵到位泊車但係都落唔到車
所以唯有放棄
之後開車去今晚嘅酒店
個幾小時車程去到 St. Tropez
酒店冇乜特別
似係長洲渡假屋
攞完房安頓好後諗住出去玩划艇
可惜個天又落大雨仲開始水浸
所以又被迫退回房內從長計議
我們決定先去超市買啲紅酒白酒夜晚享用
然後去餐廳食晚餐
今晚間餐廳喺山上十分偏遠
開車去到但冇位泊車
好彩再行前少少便有位
泊好後便去餐廳
坐好點餐時天色還可以
飲完湯便開始落雨
仲要越落越大又開始水浸
在露天嘅人客開始狼狽走入室內避雨
餐廳職員忙於應付
我們就坐在看著
雖然我們位置上還可以
但後來都開始頂唔順
好彩隔離枱食完就讓座給我們繼續用餐
雖然都幾混亂
但看得出餐廳好努力去應付突發的壞天氣
卒之吃了幾粒鐘晚餐
食埋甜點結帳回酒店
返到去各自沖涼後又再酒聚
直到飲完一支後才散水瞓覺
2019Spain+France – Photo Album
玩咗兩日已經攰到散哂
但仲要玩多十幾日
頂住呀！
今日一早要揸架 Mini 去機場還車
然後租架七人車
開始我哋今次南法之旅嘅 road trip
攞車後首先去超市買啲 picnic 嘢
然後去了一個河邊 pic 個 nic
哪裡環境清幽
有樹蔭有河水有太陽有餐枱
簡直係好到不能再好
吃飽後又再開車去咗整香水
這裡可以製造一支自己喜好味道的香水
過程大約個半小時
喜歡香水又想試玩嘅都應該要去吓
整完香水後又路過一間路邊小店
於是又返轉頭入去幫襯吓
不過這家店的甜點就一般
食完後我們去了家樂福買晚餐
今晚諗住買嘢返酒店食
這裡的家樂福大得好誇張
估計如果要慢慢逐行逐行睇
應該都要大半天時間
我哋買咗一打生蠔
兩盒沙律一啲少食麵包再加紅酒白酒
買齊嘢便開車返去酒店
但今次唔係咁好彩
返到去冇位泊車
卸了物資後便週圍兜吓搵位
兜了幾個圈後終於有個幾逶嘅位泊到車
然後行返酒店
大家夾手夾腳炮製了一個豐富晚餐
飲飲食食吹吓水
盡興到深夜才輪流沖涼就寢
2019Spain+France – Photo Album
第二天一早起身坐酒店 shuttle 去機場
我哋今日租咗架開蓬 Mini 遊車河
我們首先開車去 Nice 海灘兜番轉
跟著入去個城市泊好車
搵間小店食個 brunch
喺法國多數都係食法飽
但又出奇地好味
再加杯果汁同咖啡
食飽又再繼續去玩了
我哋去咗個市集行吓
買咗個蜜瓜同埋小小嘢
之後喺個會噴水嘅廣場買咗一陣
然後便開車去摩納哥
誰不知原來我哋四張電話卡都不包括摩納哥
所以一進入便已經上唔到網
最麻煩嘅係用唔到 Google Map
等於我哋盲咗一樣
冇哂方向四圍遊蕩
卒之搵到個位停車搵路
再開車離開摩納哥先收得番訊號
但喺摩納哥就真係到此一遊連相都有影過
遊完摩納哥車河之後
我哋在 Nice 近郊一個海灘泊好車
然後落水玩吓
在法國
日照時間好長
七點前日出一直曬到八點幾先日落
所以我哋每日都玩到好夜先食晚餐
今晚我哋游完水
然後開車去附近一間好靚嘅海邊燈塔餐廳食晚餐
點了條魚同埋一啲小食沙律併盤
開支白酒飲吓
望著個靚景食晚餐
真係旅行最開心愉快的事
食完晚餐揸住架開蓬 Mini 返去酒店
雖然係貴但人生冇乜幾多次
就任性一次啦