上年年尾發現個 Lowepro 背囊殘破不堪
便開始物色新相機袋
今次想試吓用側咩袋
於是上網爬文後鎖定目標
睇咗幾個月終於今天要出手了
簡單設計但非常貼心
以實用為主但又有時尚外型
難怪短短幾年間便吸引了大批愛好者
到目前為止目標項目已經收購完成
開始組合一吓目前手上嘅物資
睇吓點樣先會盡善盡美
攝影裝備就緒
拍攝工具
淘寶今季最後一轉貨品都收到哂了
今次買咗好多拍片用嘅小道具
組合變得多元化了
但需要一點時間消化吓
睇吓點砌先做到最理想嘅效果
收納
星期日
家居整理日
收好兩塊snowboard
拖地打掃清潔
整埋果舊充電尿袋
大致一切回復正常
維修保養．行程計劃
玩咗塊板十年有多
第一次進行維修保養
首先係detune條板邊
主要都係銼返順佢
用咗咁多次條邊都真係披哂口又鈍哂
銼完之後即係順滑哂
跟著摑走板底果啲舊蠟
再上返一層新蠟
咁就完成工作可以封印
等待下季攞返出嚟然後摑走面果浸
剩下薄薄一層蠟咁就可以去玩喇
夜晚去咗上環晚飯
嚟緊暑假會去西班牙所以揀間西班牙餐廳
一邊飲一邊食一邊計劃吓行程
食完再搭丁丁去堅尼地城食甜器
食飽便散水了