可能有點目標每晚有啲細藝
一星期好快又過
今晚完成紐西蘭第三集
預計⋯⋯應該⋯⋯
起碼仲會有十集以上⋯⋯
又到星期五
2019情人節
今年情人節外出晚膳
不過似係中伏了
但不要緊
兩人食得開心
每天也是情人節
細味那時光
近期努力剪返紐西蘭啲片
但進度其實都好緩慢
現在都只是整理緊第二日嘅開頭
不過睇返啲片
又好似再去多一次咁
重溫返當時嘅歡樂時光
旅行特輯的意義
近日埋頭苦幹剪片
好想將幾年前去紐西蘭嘅旅遊特輯重見天日
話哂揸架 Camper Van 四圍去
玩到邊食到邊瞓到邊
真係一次好難忘嘅經歷
如果唔整啲嘢紀錄吓
都會係一個遺憾
回想返當時去完旅行返嚟
其實都想開工製片
但諗起當時用緊部 MacBook Pro 壞壞哋
經常用 Final Cut Pro 時
整整吓便自動 reboot
好勉強先完成到條 opening
後嚟先知原來部 MacBook Pro 中咗蕉
之後買咗新 iMac 但又有其他事情發生
跟著便冇再理到果啲旅行後所拍下嘅片段了
直到最近去完法國滑雪回來
思前想後發覺要做啲嘢
時間係要‘咇’出嚟的
相薄都可以每個旅行造一個
點解 video 唔得？
於是呢家每晚都要抽啲時間出嚟
每晚執少少
總有一日
可以整理好呢十幾年來所拍嘅旅遊片段的