今天好神奇地沒有 jet lag
雖然放假但照常七點起身
同女皇食完早餐再送佢返工
然後去洗車
跟著返歸拎啲衫去磅洗
再喺屋企執返啲攝影器材
過番啲相入 NAS
又突然興起剪咗條跌到一仆一碌嘅片
睇返到覺得痛
但其實都玩咗十日
雖然天氣不似預期
不過都冇辦法控制到天氣
今年雪季就此結束
期望下季會有好天氣可以盡情玩啦
明天又要好好工作
準備下一個旅程了
滑雪後的日常
2019法國滑雪之旅．Day11
基本上最後一日和第一日一樣
都係喺飛機上呆坐十二小時
瞓吓醒吓又食吓睇吓戲
下午五點便回到香港了
拎齊寄倉行李
Call 貨 van 返到屋企
然後落街食晚餐
再返屋企執好啲嘢
今日就係咁便過了
總結今次法國滑雪係有點失望
六日有五日都陽光猛烈
唯一一日搭車去另一個雪場就好啲
每日塊地都係又硬又冰
攪到自己失去信心
不過天氣嘅嘢冇得預算
唯有希望下年會比今年好玩啦
2019法國滑雪之旅．Day10
終於玩完要走了
朝早食完早餐返上房執齊行李
便退房上車出發去意大利都靈
兩小時車程到達後有三個半小時自由活動
我哋四圍行吓參觀吓啲皇宮同教堂
然後搵間餐廳食個 lunch
之後又夠鐘上車去米蘭機場
又兩小時車程後
便來到旅程尾聲
半小時左右飛去蘇黎世
再等兩粒鐘後轉機飛返香港
轉機時間都有收穫
買了心頭好後準備坐十一小時飛機返歸了
2019法國滑雪之旅．Day09
今天是今季最後一滑
但我們已經筋疲力盡
只可以慢慢遊山玩水
朝早起身食個早餐後
便返房慢慢hea吓先換衫
最後一天諗住去條闊啲嘅雪道練習吓啲基本功
搭lift上山再滑到過去
搵吓路又影吓相
過到去已經十一點幾
玩一陣便食 lunch
抖咗個零鐘又繼續下半場
不過玩咗咁多日
又攰又有傷
所以玩咗一陣便開始滑返過去酒店
回程一如過去幾日
塊地又硬又冰
所以最後我哋搭返架 Gondola 返落山
返到去見到有條廁所泵
於是便去拉吓練習吓
好彩今次又拉到
有返啲世窗廁所泵嘅感覺
玩完便返酒店準備執包袱
準備明天踏上歸途回家去了