第四日
今天正式開工
七點起身梳洗後便去食早餐
食飽便開始上裝備
十點出發今季第一滑
今次個場冇前年瑞士咁大
但係個地就好啲冇咁冰
不過啲lift好多都冇開
仲要有啲track係閂咗唔比滑
攪到都唔知點滑好
誤打誤撞又入埋黑色track
最後玩到筋疲力盡
三點便收工了
年紀大了體能應付唔到咁大運動量
但係又好想 keep 住滑雪嘅衝勁
真係好茅盾⋯⋯
2019法國滑雪之旅．Day04
2019法國滑雪之旅．Day03
今天瞓到六點左右
起身痾完篤尿後就瞓唔返
眼光光到七點幾就起身落去食早餐
食飽執好行李便退房
然後出街行吓
無所事事週圍行吓
再飲杯咖啡後便回酒店集合
拎齊行李上車
四小時車程左右
便由意大利去到法國
今次嘅滑雪酒店都唔錯
我哋安頓好後便出去行吓
有人又有收穫買到 face mask
之後去超市買啲零食飲料返酒店
晚上七點便去吃晚餐
今次這間酒店嘅食物都幾好味
吃飽後便回房 hea 吓
飲杯紅酒上吓相
研究一吓明天嘅滑雪路線
然後便上床瞓覺
差足電準備今季第一劈
2019法國滑雪之旅．Day02
坐咗十二粒鐘以上
瞓吓醒吓屈住屈住
到德國慕尼克時係五點零鐘
機場好多店鋪都未開
等了兩粒鐘左右轉機去米蘭
又坐一粒鐘後便到達
再坐個幾鐘車去酒店
好好彩去到酒店可以提早 check in
攞咗房放低行李洗個臉
便出去行吓
主要係去參觀米蘭大教堂
白色外牆都幾特別幾靚
影吓相打吓卡例行旅遊動作
參觀完後便行過隔離艾曼紐二世迴廊
食咗個豐富午餐
食飽再去睇埋個城堡及小凱旋門
米蘭話大唔大話細唔細
我哋第一日便行完了
晚上求其食間地道 pizza
再看看晚上的大教堂
第一天行程都係舟車勞頓吃喝玩樂中渡過
返到酒店原本買定紅酒芝士慢慢嘆
但沖完涼瞓落床便睡魔急call
所以都係留返入到雪場先慢慢嘆啦
2019法國滑雪之旅．Day01
今天開始放假
瞓到十點半先起身
執吓嘢攪吓呢樣攪吓果樣
然後出去觀塘續車牌
觀塘果個運輸署真係好爽手
Book咗十二點半
我十二點五去到
十二點三十五分就攪掂走得
快過金鐘果間好多
跟著去食個 lunch
然後又返屋企無事忙
夜晚食埋個晚餐先出發
Book咗架van八點半
九點三便到達機場
好快手 check in 寄倉
然後過安檢入閘準備
首先坐十二個小時飛慕尼黑
然後等兩個鐘轉機坐一粒鐘飛去米蘭
第一天其實都唔算係有行程⋯⋯