Ghöz | SnGhome.UK
今日真係行到腳都跛
一早起身便去食個早餐
跟著便去台北車站搭車去瑞芳
然後轉火車去菁桐
落車望兩望冇乜特別
於是便又搭車去平溪
行咗陣食條腸
參觀吓個防空洞
睇吓人放天燈
之後便又搭車去十分
這裡熱鬧好多
好多人放天燈
最攪笑係有火車經過便要走鬼
但一過咗啲人湧返出路軌好得意嘅景象
跟著行咗去睇十分瀑布
再食個地道午餐
有個招牌鐵板炒麵、豆乾、甜不辣同埋蚵仔煎
價錢經濟又好好味
食飽便搭返火車去華山文化園區行吓
果度行吓消磨吓時間
夜晚再去永康行食晚餐同行吓街
最後返到酒店樓下再買個楜椒餅返房食
基本上今日都係不停咁行同食
盡情咁放縱今年最後一個外遊假期
冇咩行程安排
純粹想放髹吓
一早天未光便搭機場巴士
條巴士線開咗咁耐都係第一次搭
原來都好多人搭喎
去到機場唔洗寄行李
直接入禁區食早餐
然後輕輕鬆鬆上機出發
但遲咗成個鐘先可以起飛
到台北已經十二點幾
唔洗等攞行李十分方便
直接入境然後搭車出台北車站
去到酒店又老討
差十五分鐘都唔比 check in
咁唯有行一陣再返去
上到房擺到行李便出發去行街
第一站去富錦街
行吓啲地區小商店
再飲杯珈琲
之後便去饒河夜市掃街
食咗個螺肉串燒、胡椒餅、藥膳羊湯、臭豆腐
最後飲埋杯白苦瓜鳳梨汁
食得唔多但又好滿足
食飽便搭捷運回台北車站
行多陣地下街便回酒店
沖個涼hea一陣便上床休息
準備明早繼續去吃喝玩樂
明天出發快閃台北
今天返工自然靈魂出竅
Hea住做等收工
夜晚出去旺角行咗一陣
捕獲目標後便返歸執包袱
準備明早好上路
好耐無同班同事去 happy hour
今晚收工後去飲咗兩 round
之後再去駱克道街市食嘢
渡過了一個愉快的晚上