琴晚攪到四點幾先瞓
今天好自然地瞓到十一點幾先起身
（平時每個星期六日好似都係咁上下?）
起身後便進行事後清理
執好啲杯杯碟碟
拖乾淨個地下抹乾淨張梳化
身水身汗攪咗個幾鐘
之後女皇起身便去食嘢
然後買埋晚餐便返歸抖抖
下午完全放空唔知做過乜
夜晚食完晚餐沖個涼
網上閑逛然後又一日
休息日．家務日
週末
今天飲咗個茶
睇咗場戲
打咗個邊爐
睇咗三場波
凌晨四點沖涼瞓覺
但沖沖吓暖水變凍水
成個人醒哂⋯⋯
頭赤赤
今日出門口已經覺得暈暈地
應該係感冒開始滲出嚟
不過又唔係發哂出嚟果隻
搏頭重重週身骨痛咁
睇嚟要早啲瞓休息多啲喇
千里長征
執相執到第四日
呢張相幾鍾意
夠哂色彩鮮豔
不過諗返今次旅行都幾趕吓
每日行程唔多但路途遙遠
差不多日日都開三四小時車
全程總數行咗千四公里
雖然辛苦但也很開心
希望年年都可以繼續有一兩次旅行啦