Ghöz | SnGhome.UK
今天起身後便出街食個 plan cake 早餐
但行到去都只係七點九未開門
唯有等一陣等到佢開門啦
準時八點開門
食物質素都唔錯
不枉我哋等佢開門
食飽返酒店標個檸
然後執齊包袱又趕路
首先揸車一個鐘左右去日向岬
去到時下著雨
我哋擔住遮行咗一陣
可能落雨影響心情
到此一遊影幾幅相便開車走了
之後車程一小時左右便到達高千穗峽
泊好車便去食個lunch
然後便開始遊玩
這裡依然是下著雨
但峽谷帶有濃厚迷霧
夾雜著紅綠黃的楓葉
伴隨著一條一條的大大小小瀑布
襯托著溪流的倒影
風光實在迷人
只可惜落住大雨不能攞單反去拍攝
好彩iPhone拍的照片還可以
遊完高千穗峽便到酒店 check in
晚上出外晚飯但到處都尤如死城
搵咗一陣都只係搵到間拉麵仍然營業
食咗兩晚豐富的
今晚都要慳啲喇
食飽後便回酒店休息
準備明早起身看日出
琴晚瞓瞓吓毛啦啦響火警鐘
凌晨點半鐘瞓到懵髹髹要走火警
拿拿臨著鞋然後拎番銀包電話背囊便衝落街
落到樓下已經企滿人
成間酒店嘅人都好驚慌地走佬
有啲人仲冇著鞋非常狼狽
不過場面不算混亂
後來消防員嚟到
唔知係誤鳴定係真係火燭
後嚟都係虛驚一場
攪咗半粒鐘便返上房
但走完火警後瞓得唔好
瞓到七點又要起身去玩了
今天行程比較多
食完個東橫 inn 早餐後
便 check out 去攞車
去到 Toyota 點知比架大發仔我
真係好失望
但旅程 must go on
開車正式開始我們的九州自駕遊
第一站係要去搭船連車帶人過櫻島
雖然之前喺挪威都試過
不過喺日本就第一次
過到櫻島主要都係浸吓個無料足湯
同埋參觀吓個火山週邊
原來櫻島個火山每年都會爆二百幾次
見到啲大自然災害都幾震撼
但另一方面又會帶嚟肥沃土壤
所以櫻島出產大根特別大條
橫切面可以粗過我條腰十分利害
遊完櫻島去搵嘢食
可惜星期日路過嘅餐廳一係冇開
一係勁多人要等好耐
於是我哋把心一橫
去 Lawson 買個肉飽同飯團算喇
食飽後便趕路
揸兩粒鐘車去鵜戶神宮參觀神舍
路程雖然遠但都值得去睇吓
遊完神舍後原先安排去日南
睇吓果啲扮復活島嘅石像
不過因為唔夠時間所以放棄了
直接揸車去宮崎今晚住宿嘅酒店
個幾鐘車程後到達
Check in 後便出街搵嘢食
因為晏晝食 lunch 慳咗
所以晚餐食豪啲
一於食宮崎牛
原來宮崎牛不等於宮崎和牛
係比較高級嘅食材
我哋叫咗個 set
總共有五款宮崎牛加其他配菜
第一啖咬落去果陣甘香真係冇得頂
不過話雖如此
始終都覺得近江牛排第一宮崎牛第二
食飽後回酒店沖個涼
然後又上頂樓飲杯嘢
完美完結今天行程
瞓唔夠三粒鐘就要起身出發
今次很順利
朋友幫手 Call 的士
好快便嚟到
半粒鐘左右便去到機場
Check in 又冇乜人
攞 WiFi 蛋又冇乜人
好快手便攪掂哂
自己拎齊行李過安檢入禁區
然後食個早餐飲杯咖啡
再等一陣便上機
不過架機遲咗一粒鐘起飛
去到鹿兒島十二點三降落
拎齊行李順利入境
跟著搭巴士出市區
唔洗一粒鐘便到達
去東橫 inn 放低兩個喼便去食個 lunch
食飽行一陣便回酒店攞房
安頓好後又再出發
搭電車去天文台通行街
條街有啲似大阪嘅黑門市場同札幌嘅狸小路
都係商店小鋪但係就細啲
行到攰又坐底似杯珈琲
抖夠便繼續行一陣
之後便行返去JR中央駅搵嘢食
我哋搵咗幾間但似樣果啲就冇位
有啲拍緊烏蠅又唔想幫襯
好彩最後都搵到間貌似不錯的黑毛豬刷刷鍋
食落又真係唔錯喎
豬肉夠軟滑湯底夠鮮味
食到最後仲用返個湯底整個粥
真係正到冇得彈
飲飽食醉便返酒店
梳洗沖涼便瞓覺了
一整天舟車勞頓
真係攰到爆炸
瞓著後突然聽到怪聲
似係警報聲
初時一堆日文唔知講乜
之後有英文話一樓有火警
要立即離開大廈
於是便即刻彈起身著衫攞埋重要物品
便走十三層樓梯落到地面
出到條街見到有消防車同警車
全楝東橫Inn嘅住客陸續走出嚟
但唔見有著火
企咗一陣攪完一輪但語言不通都未知發生咩事
後嚟見啲人又陸續搭電梯返上樓
酒店職員係咁道歉
估計都可能係發生小火警
我哋見冇事了
便跟大隧回房繼續瞓覺了
終於到咗星期五
過埋今天
明天便可以放假去玩lu
今個星期都算安穩渡過
收工回家後便開始執包袱
其實就冇乜嘢執
只係執啲衫褲鞋襪入喼
只係執啲拍攝用品比較麻煩
要之前差好電同檢查操作良好
順利執好哂所需用品後便沖涼瞓覺
明天一早天未光四點半便要出門去機場了