琴晚吹水吹到五點先瞓
一瞓就瞓到今朝十點幾
起身後執好行李便去食個早餐
然後出去大欖涌郊野公園行吓
行到去楓香林睇吓未轉紅色的楓葉
再玩吓部360攝影機
玩到三點左右便去攞車散水
不過散水後小隊去咗尖沙咀食個 tea
食飽後便各自解散歸家了
由於距離九州之旅只餘下一星期
出發前要理吓髮
又要管理一吓離港期間嘅財務安排
同埋整理吓呢兩日拍下嘅相同片
所以都幾忙碌
不過諗起就嚟出發
心情都開始興奮了
大欖涌遊記
大棠宿營傳
呢兩日會去大棠宿營一晚
都係飲飲食食輕鬆吓
我們首先要去荃灣買燒烤食物
準備好今晚嘅豐富晚餐
買齊嘢後先食個 tea 打打底
然後便出發去元朗大棠
去到安頓好便玩一吓
有個粗心大意嘅機師墜機
不過隻機好襟撞
撞完樹兩三米高墜地後
依然冇事又可以飛
十分神奇
玩咗一陣便開始 setup 個燒烤場地
我們今晚很大陣仗
但後嚟發生了點不愉快事情⋯⋯
希望唔會有好大影響啦
講返今晚有好多海鮮
六點幾開始一路燒一路食
一路食食食
食到兩點幾三點先食完執嘢收檔
執好嘢沖個涼
返到房又飲吓啤酒吹吓水
最後差不多天光五點先倒頭大睡
星期五了
又過一星期
仲有一星期
期待已久的
等多一星期
相機保養
我認有點完美主義
好難接受影出嚟嘅照片裡藏有一點點塵粒
之前試過用果凍筆都 OK 清理到
但日子久了連支果凍筆都積滿塵⋯⋯
最後把心一橫試吓用 CMOS 藥水
用落又冇想像中咁危險喎 (心諗壞咗就有藉口Z７?)
反而比果凍筆更易用
只係每次要用兩支棒唔係咁化算
不過用完的確乾淨哂！