G-Blog

琴日放完假
今日又到 Training
聽日又放兩日假
真係爽丫丫

攪咗成個星期
最後發現 Mojave 係唔可以安裝落去 Apple RAID 嘅 Volume
唔知其他 RAID 得唔得
不過就因為 Mojave 太新
新到係 2018 年 9 月 25 日先出
所以搵到嘅資料不多
但 upgrade 行動已經完成
最終都係 upgrade 咗落去 internal 隻 Fusion Drive
雖然用唔到隻超快 SSD 裝置
但用到最新版 macOS 同埋 upgrade 咗 Final Cut Pro
都總算有交代了

今天又補假
一早車女皇返工
然後去咗驗車
跟住去觀塘運輸署造國際車牌
原來觀塘咁少人
唔洗排隊十五分鐘就攪掂
下次都去觀塘攪續牌先

攞咗國際車牌後便返屋企
繼續進行系統升級工程
依然有點阻滯
於是把心一橫索性將原本個內置 hard disk upgrade
因為都已經測試好哂
所有嘢都試過冇問題
所以都好放心咁升上去喇

下午又再開車出去尖沙咀
接咗女皇然後便去機場
送機後便開始一個人的兩晚了

部 iMac 個 macOS 升級進入最後階段
將隻慢 hard disk 所有嘢抄返哂入去隻 G-Dock
咁就成功喇
不過應該有排抄
聽朝應該抄得完呱⋯⋯

因為用緊隻 G-Dock 行緊 software RAID-0
所以 upgrade 上 macOS 10.14 有點麻煩
佢唔比我就咁係個 RAID 上面直接升級個 OS
於是便要很複雜地
將所有 data 抄去另一隻 hard disk
然後 boot 入去果隻 hard disk
再喺果隻 hard disk 進行 upgrade 上 Mojave
喺果隻 hard disk 上面 upgrade 完成後
再重新抄返入去 G-Dock
咁就完成全個升級計劃喇
最麻煩係要等⋯⋯
抄嚟抄去真係好嘥時間⋯⋯