G-Blog

今朝九點便醒咗
起身見已經掛咗十號波
但外面好似又唔係咁勁咋喎
但當刷牙洗面後便開始感覺到外面轟轟聲
今次真係打到嚟喇
風聲加雨聲再加抽氣扇同埋度門嘅交響樂
全屋差不多隻隻窗都有滲水漏水
抹完一隻第二隻又濕哂
疲於奔命做救災工作
慶幸嘅係只是漏水沒有嚴重災難
睇電視同網上其他片
好多地方都災情嚴重
睇見都覺得好恐怖
今次個風真係感覺到颱風嘅可怕
以前細個唔識驚以為多日假期
到今日自己東奔西跑便知道唔簡單

風力最勁應該係十點至一點嘅時候
客廳隻窗同書房隻窗可能食到應
啲水彭彭聲咁噴
過咗之後災情放緩
窗邊亦都冇漏水漏得咁誇張
救援工作都可以放下改為清潔工作了
不過今次發覺屋企防漏要加強維護
廚房隻抽氣扇差啲被吹毀
等好天之後要換過隻新嘅先得喇

今朝瞓瞓吓比人 call 醒咗
話我今日要 on duty
明明琴日收工都冇人通知我
但突然未瞓醒就有人話輪到我開工
究竟發生乜事？
係咪國之將亡必有妖孽
唔夠人又唔請人
Cover 唔到 7 x 24 又夾硬嚟
今次真係要睇吓邊個命硬要鬥長命了

毛啦啦冇咗日假期
聽日又話山竹殺到
即係今個週末都唔洗諗節目了

今次呢個颱風好似好勁咁
天文台預測星期日先打到嚟
但前日啲航空公司已經開始取消星期日航班
今日去超市都好多嘢已經被搶購一空

個陣象真係唔野小
平時香港人聽到打風只會諗多日假期
但今次就好似打仗咁
唔通發現咗李氏力牆已經徹退咗？